চিটাৰা ডেস্ক, 24 মাৰ্চ: বলীউডৰ উজ্জ্বল আৰু শ্ৰেষ্ঠ ছবি ‘৩ ইডিয়টছ’ৰ কথা মনত আছেনে ? হয়, য’ত অভিনয় কৰিছিল বলীউডৰ মিষ্টৰ পাৰফেক্টনিষ্ট আমিৰ খান, অভিনেতা আৰ মাধৱন, অভিনেত্ৰী কৰীণা কাপুৰ খান আৰু শৰ্মান যোশীয়ে ৷ ছবিখনে দৰ্শকক অভূতপূৰ্ব মনোৰঞ্জন দিয়াৰ লগতে আৱেগিক দৃশ্যই দৰ্শকক আৱেগিক কৰাও পৰিলক্ষিত হৈছিল ৷ ২০০৯ চনত মুক্তি লাভ কৰা ৩ ইডিয়টছ ছবিখন পৰিচালনা কৰিছিল ৰাজকুমাৰ হিৰাণীয়ে ।
কিন্তু শেহতীয়াকৈ এই ছবিখনক লৈ লাভ কৰা হৈছে এক খবৰ ৷ খবৰ অনুসৰি ছবিখনৰ পাৰ্ট 2 অৰ্থা ৩ ইডিয়টছ ২ নিৰ্মাণ কৰাৰ ইংগিত পোৱা যায় ৷ এই সন্দৰ্ভত ৩ ইডিয়টছ ছবিখনত পিয়াৰ চৰিত্ৰত অভিনয় কৰা কৰীণা কাপুৰ খানে ছ’চিয়েল মিডিয়াত এটা ভিডিঅ’ শ্বেয়াৰ কৰিছে ৷ কৰীণা কাপুৰকো এই ভিডিঅ’টোত অতি দুখী আৰু হতাশ দেখা পোৱা যায় (Kareena Kapoor khan hints 3 idiots sequel) ৷
এই ভিডিঅ’টো শ্বেয়াৰ কৰি নিজৰ ষ্টাইলত ছবিখনক লৈ ‘অসন্তুষ্টি’ প্ৰকাশ কৰি অভিনেত্ৰীগৰাকীয়ে ৩ ইডিয়টছ ২ৰ ভাল খবৰটো অনুৰাগীক জনোৱা পৰিলক্ষিত হয় । দৰাচলতে কৰীণা কাপুৰ খানে নিজৰ ইনষ্টাগ্ৰামত শ্বেয়াৰ কৰা ভিডিঅ’টোত তেওঁ সেই ভিডিঅ’টোৰ কথা কৈছে য’ত আমিৰ খান, আৰ মাধৱন আৰু শৰ্মান যোশীৰ পুনৰ মিলন বহুদিনৰ মূৰত দেখা গৈছিল । তিনিওগৰাকী অভিনেতাই ৰঙা ক্ৰীড়াৰ সাজ পৰিধান কৰি সংবাদমেল সম্বোধন কৰিছিল, য’ত ৩ ইডিয়টছৰ ছিকুৱেলৰ বিষয়ে আলোচনা চলি আছিল (Kareena kapoor khan and Aamir khan) ।
ইয়াকে লৈ কৰীণাই ক’লে, ‘মই ছুটীত আছিলো আৰু মই গম পালোঁ যে এই তিনিজন মূৰ্খই ছবিখনৰ ছিকুৱেলৰ কথা কৈ আছে, কিন্তু মোৰ অবিহনে এই ছবিখন কেনেকৈ নিৰ্মাণ হ’ব, এতিয়াই মই বোমান ইৰানীক কল কৰি আছো ৷ " কৰীণাৰ এই ভিডিঅ’টোৰ পৰা এক প্ৰকাৰে স্পষ্ট হয় যে ৩ ইডিয়টছৰ ছিকুৱেলৰ সন্দৰ্ভত নিশ্চিতভাৱে কিবা এটা আৰম্ভ হৈছে (Kareena kapoor khan and Bomen irani) ।
লগতে পঢ়ক:বেবোৰ পৰা শিকক কেইটামান আকৰ্ষণীয় ফেশ্বন ষ্টেটমেণ্ট
