চিটাৰা ডেস্ক, 2 ছেপ্তেম্বৰ : বলীউডৰ নৱবিবাহিত দম্পতী ৰণবীৰ কাপুৰ আৰু আলিয়া ভাট অভিনীত প্ৰথমখন ছবি ব্ৰহ্মাস্ত্ৰৰ মুক্তিলৈ মাজত মাত্ৰ কেইটামান দিন বাকী । 9 ছেপ্টেম্বৰত মুক্তি পাবলৈ গৈ আছে এই ছবিখন (Brahmastra release date) । ইয়াৰ পূৰ্বে কৰণ জোহৰে ছবিখনৰ পৰা অনুৰাগীসকললৈ আগবঢ়াইছে এটা ডাঙৰ টিট্ৰ । কৰণে নিজৰ টুইটাৰ একাউণ্টত ছবিখনৰ সৈতে জড়িত এটা চুটি ভিডিঅ’ ক্লিপ শ্বেয়াৰ কৰিছে, যিটোৱে অনুৰাগীসকলৰ মাজত উৎকণ্ঠা বৃদ্ধি কৰিছে ।
কৰণ জোহৰে টুইটাৰত শ্বেয়াৰ কৰা ক্লিপটোত শ্বাহৰুখ খানক দেখিবলৈ পোৱা গৈছে ৷ ব্ৰহ্মাস্ত্ৰত শ্বাহৰুখ খানেও অভিনয় কৰিছে । ভিডিঅ'টোত বাণাৰাস্ত্ৰ চৰিত্ৰটোৰ সৈতে চিনাকি কৰোৱা হৈছে অনুৰাগীক (Brahmastra cast) ৷ এটা যুঁজৰ দৃশ্য দেখুওৱা হৈছে । ইয়াৰ পূৰ্বে leak হোৱা ছবি সন্দৰ্ভত দাবী কৰা হৈছিল যে ছবিখনত কেমিঅ’ৰ চৰিত্ৰত অভিনয় কৰিছে শ্বাহৰুখ খানে । ভিডিঅ’টো দেখা পাই অনুৰাগীসকলে লগে লগে কমেণ্ট ছেকচনত প্ৰকাশ কৰে যে শ্বাহৰুখক দেখি তেওঁলোক উৎসাহিত হৈ পৰিছে ।
বাণাৰাস্ত্ৰৰ চৰিত্ৰত শ্বাহৰুখ খান?