চিটাৰা ডেস্ক, ২৭ নৱেম্বৰ: ২০২২ চনৰ ছেপ্টেম্বৰ মাহত মুক্তি লাভ কৰিছিল দক্ষিণৰ ছবি ‘কান্তৰা’ ৷ এই ছবিখনে বক্স অফিচত এক প্ৰকাৰে ধুমুহাৰ সৃষ্টি কৰিছিল । ছবিখনৰ কনচেপ্টটো দৰ্শকে অতিকৈয়ে ভাল পাইছিল । একে সময়তে এই ছবিখনৰ অপৰিসীম সফলতাৰ পিচত নিৰ্মাতাসকলে এতিয়া ঘোষণা কৰিছে ইয়াৰ পৰৱৰ্তী খণ্ড ‘কান্তৰা এ লেজেণ্ড অধ্যায়-১’ । আজি মুক্তি পালে ছবিখনৰ পৰা ঋষভ শ্বেট্টীৰ ফাৰ্ষ্ট লুক আৰু টিজাৰ ।
‘কান্তৰা এ লেজেণ্ড অধ্যায়-১’ টিজাৰ মুক্তি
ঋষভ শেট্টীৰ অভিনীত দক্ষিণ চলচ্চিত্ৰ উদ্যোগৰ অন্যতম শ্ৰেষ্ঠ ছবি ‘কান্তৰা’ । ইয়াৰ উপৰিও ২০২২ চনৰ অন্যতম ব্লকবাষ্টাৰ ছবি আছিল, আনকি বলীউডৰ ডাঙৰ ডাঙৰ ছবিকো ইয়াৰ উপাৰ্জনে পৰাস্ত কৰিছিল । সকলোৱে দেখিলে ‘কান্তৰা’ৰ কাহিনী । এতিয়া ছবিখনৰ দ্বিতীয় খণ্ডৰ কাহিনী দৰ্শকক দেখুৱাব বিচাৰিছে নিৰ্মাতাই । মঙলবাৰে শ্বেয়াৰ কৰা হয় ছবিখনৰ পৰা ঋষভ শ্বেট্টীৰ প্ৰথম লুক ।