চিটাৰা ডেস্ক, 25 ফেব্ৰুৱাৰী: কংগনা ৰাণাৱট আৰু বিৰ্তক - এটা মুদ্ৰাৰ ইপিঠি সিপিঠি (Kangana Ranaut controversy) ৷ বিভিন্ন সময়ত বিভিন্ন বিষয়ত বিৰ্তকিত মন্তব্য কৰি প্ৰায় লাইমলাইটত থাকে কংগনা ৷ কৰণ জোহৰ, বৰুণ গান্ধী, সঞ্জয় ৰাউট, জাষ্টিন ৰাও, দিলজিৎ দোছাঞ্জ আনকি টুইটাৰৰ লগতো বিতৰ্ক কংগনাৰ ৷ এইবাৰ পুনৰ বিতৰ্কিত মন্তব্য কৰি চৰ্চালৈ আহিছে কংগনা (Kangana Ranaut recent insta story about Selfie) ৷
উল্লেখ্য় যে শুকুৰবাৰে মুক্তি লাভ কৰিছে অক্ষয় কুমাৰ, ইমৰাণ হাচমী, নুশ্ৰত ভাৰুচা অভিনীত ছবি ‘চেলফি’ (Akshay Kumar Selfiee Movie)। অৱশ্যে ছবিখনে ৰিলিজৰ দিনটোত বিশেষ উপাৰ্জন কৰিব নোৱাৰিলে । এই ছবিখনৰ উপাৰ্জন অক্ষয়ৰ সৰ্বনিম্ন অপেনাৰ ছবি ‘বেল বটম’ তকৈও কম । প্ৰথম দিনা ‘চেলফি’ ছবিখনে মাত্ৰ ২ৰ পৰা ২.৫ কোটি টকাৰ ভিতৰত উপাৰ্জন কৰিবলৈ সক্ষম হৈছে । বলীউডৰ অভিনেত্ৰী কংগনা ৰানাৱটে ছবিখনৰ কম ব্যৱসায়ৰ বাবে প্ৰযোজক কৰণ জোহৰক শেহতীয়াকৈ সামাজিক মাধ্যম যোগে কটাক্ষ কৰিছে (Kangana Ranaut reaction on Selfiee) ।
কংগনাই নিজৰ ইনষ্টাগ্ৰাম একাউন্টত চেলফি সন্দৰ্ভত প্ৰথমটো পোষ্টত লিখিছে, ‘কৰণ জোহৰৰ ছবি চেলফিয়ে প্ৰথম দিনটোত বহু কষ্টেৰে ১০ লাখ টকা উপাৰ্জন কৰিছে । মই ট্ৰেড বা সংবাদ মাধ্যমৰ এগৰাকী কৰ্মীকো এই ছবিখনৰ বিষয়ে আলোচনা কৰা দেখা পোৱা নাই ৷ তেওঁলোকে মোক যিদৰে আমনি কৰে আৰু উপহাস বা ভাবুকি দিয়ে সেইবিলাক পাহৰিয়েই যাওক ।"
ইয়াৰ পিচত ইনষ্টাগ্ৰামত চেলফি সন্দৰ্ভত কংগনাই আন এটা পোষ্ট শ্বেয়াৰ কৰিছিল ৷ যিটো পোষ্টৰ শিৰোনাম আছিল , ‘কংগনা ৰানাউটৰ Male Version’ । এই শিৰোনামটো লিখি কংগনাই হাঁহি ইমোজিৰ সৈতে কেপচনত লিখিছে, ‘মই চেলফি ছবিখন ফ্লপ হোৱাৰ খবৰ বিচাৰি আছিলো ৷ কিন্তু চেলফিৰ পৰিবৰ্তে সকলো নিউজ চেনেলত কেৱল মোৰ খবৰ আছিল, অৰ্থাৎ কেৱল মোৰ বিষয়ে লিখা আছিল ৷ ইয়াত মোৰ কি দোষ আছে ।"
ৰ’ব কেৱল ইমানেই নহয়, ইনষ্টাগ্ৰামত কংগনাই আৰু কিছু কথা শ্বেয়াৰ কৰিছে । ইনষ্টাগ্ৰাম ষ্ট’ৰীত পুনৰবাৰ কংগনাই লিখিছে, ‘নিউজ চেনেলবোৰত শ শ প্ৰতিবেদন প্ৰচাৰ হৈছিল আৰু এই প্ৰতিবেদনসমূহত চেলফি ছবিখনৰ বিফলতাৰ দোষ মোৰ ওপৰত জাপি দিয়া হৈছে । অক্ষয় ছাৰে কৰণ জোহৰৰ নাম একেবাৰেই উল্লেখ কৰা নাই । এনেদৰে বলীউড মাফিয়াই বাতৰিৰ লগতো হেৰফেৰ কৰে ।"