চিটাৰা ডেস্ক, 15 নে’: দুটা দশকৰো অধিক সময়ৰ অন্তত হিন্দী ছবি জগতলৈ ঘূৰি আহিবলৈ সাজু হৈছে জনপ্ৰিয় অভিনেত্ৰী জ্যোতিকা (Jyotika to make comeback in Hindi films) । অভিনেত্ৰীগৰাকীয়ে অজয় দেৱগন, আৰ মাধৱনৰ সৈতে বিকাশ বাহল পৰিচালিত আগন্তুক ভৌতিক থ্ৰিলাৰ ছবিত অভিনয় কৰিব । ২৫ বছৰৰ পাচত পুনৰ হিন্দী ছবিলৈ ঘূৰি অহা জ্যোতিকাক প্ৰথমবাৰৰ বাবে ৰূপালী পৰ্দাত দেখা পোৱা যাব বলীউডৰ সিংঘম অজয় দেৱগনৰ সৈতে (Jyotika bollywood comeback) ।
ইয়াৰ পূৰ্বে জ্যোতিকাই প্ৰিয়দৰ্শনৰ ১৯৯৮ চনত মুক্তি পোৱা ৰোমান্টিক নাটক ‘ডলী সাজা কে ৰাখনা’ৰ জৰিয়তে বলীউডত আত্মপ্ৰকাশ কৰিছিল । ছবিখনত অক্ষয় খান্নাৰ সৈতে অভিনয় কৰিছিল অভিনেত্ৰীগৰাকীয়ে । ইয়াৰ পিচত অভিনেত্ৰীগৰাকীয়ে প্ৰধানকৈ তামিল ছবিৰ লগতে তেলুগু, কানাড়া, আৰু মালয়ালম ছবিতো কাম কৰে । জ্যোতিকাক শেষবাৰৰ বাবে দেখা গৈছিল তামিল ছবি ‘উদনপিৰাপ্পে’ত (Jyotika ajay devgn film) ।
খবৰ অনুসৰি এই ছবিখনৰ নাম শ্ৰী আৰু জুন মাহত ছবিগৃহত মুক্তি পাব ছবিখন (Jyotika ajay devgn r madhavan thriller film)। ছবিখনৰ শ্বুটিঙৰ স্থানৰ বাহিৰে ছবিখনৰ সবিশেষ এতিয়াও লুকুৱাই ৰখা হৈছে । আড়ম্বৰপূৰ্ণ বাজেটত নিৰ্মাণ কৰা ছবিখনৰ মুম্বাই, মুচৌৰী, লণ্ডনত শ্বুটিং কৰা হ’ব বুলি কোৱা হৈছে । ৰাষ্ট্ৰীয় বঁটা বিজয়ী ছবি কুইনৰ বাবে পৰিচিত বিকাশে অজয়, মাধৱন, জ্যোতিকাৰ দৰে শক্তিশালী অভিনেতাৰ সৈতে এখন এজ অৱ দ্য ছিট থ্ৰিলাৰ ছবি নিৰ্মাণ কৰি আছে (Jyotika hindi films) ।
অজয় দেৱগনে ছবিখনত কেৱল অভিনয় কৰাই নহয় ছবিখন প্ৰযোজনাও কৰিছে । অজয় দেৱগন এফফিল্ম আৰু পেনোৰামা ষ্টুডিঅ’ৰ বেনাৰত অজয় আৰু নিৰ্মাতা কুমাৰ মংগত পাঠক আৰু অভিষেক পাঠকে যুটীয়াভাৱে বেংকৰোল কৰিব ছবিখনৰ । শীঘ্ৰে ছবিখনৰ বিষয়ে অধিক তথ্য উন্মোচন কৰিব নিৰ্মাতাসকলে । ইফালে অজয়ক শেষবাৰৰ বাবে দেখা গৈছিল ভোলা ছবিত যিয়ে বিশ্বজুৰি ১১২ কোটি টকা উপাৰ্জন কৰিছিল ।
লগতে পঢ়ক:Cannes Film Festival 2023 : ৪ খন ভাৰতীয় ছবিৰ নিৰ্বাচন, ৰেড কাৰ্পেটত খোজ দিব অস্কাৰ বিজয়ী গুনীত আৰু মনুষীয়ে
