দুৰ্ঘটনাত আহত জুবিন নৌটিয়াল,ততাতৈয়াকৈ প্ৰেৰণ মুম্বাইৰ চিকিৎসালয়লৈ

Jubin Nautiyal Accident:কণ্ঠশিল্পী জুবিন নৌটিয়ালক চিকিৎসালয়ত ভৰ্তি কৰোৱা হৈছে । চিৰিৰ পৰা বাগৰি পৰা গায়কজনে মূৰ আৰু হাড়ত গুৰুতৰভাৱে আঘাত পাইছে । মূৰৰ লগতে কপালতো আঘাত পাইছে গায়কজনে ।

চিটাৰা ডেস্ক, 2 ডিচেম্বৰ : বলীউডৰ বিখ্যাত কণ্ঠশিল্পী জুবিন নৌটিয়ালৰ অনুৰাগীৰ বাবে এটা বেয়া খবৰ । জুবিনক চিকিৎসালয়ত ভৰ্তি কৰোৱা হৈছে । আচলতে চিৰিৰ পৰা বাগৰি পৰা জুবিন গুৰুতৰভাৱে আঘাতপ্ৰাপ্ত হৈছে । কপালত যথেষ্ট আঘাত পাইছে তেওঁ । জুবিন নৌটিয়ালক মুম্বাইৰ এখন চিকিৎসালয়ত ভৰ্তি কৰোৱা হৈছে । মধুৰ কণ্ঠৰ অধিকাৰী জুবিনৰ দুৰ্ঘটনা সন্দৰ্ভত পোৱা শেহতীয়া খবৰ অনুসৰি তেওঁৰ কঁকালৰ হাড় ভাঙি গৈছে বুলি জানিব পৰা গৈছে ।

মূৰ, কপাল আৰু হাড়ৰ আঘাত গুৰুতৰ বুলি জানিব পৰা গৈছে (Jubin Nautiyal Accident)। জুবিনৰ সোঁহাতৰ অপাৰেচন কৰা হ’ব । ডাক্তৰে তেওঁক সোঁহাতখন বেছি ব্যৱহাৰ নকৰিবলৈ পৰামৰ্শ দিছে ।

শেহতীয়াকৈ মুক্তি পাইছে জুবিনৰ নতুন গীত 'তু ছামনে' । জুবিনৰ সৈতে এই গীতটোত দেখা গৈছে শ্ৰীলংকাৰ গায়িকা য়োহানীক । গীতটিৰ উন্মোচনী অনুষ্ঠানতো দুয়োকে একেলগে দেখা গৈছিল ।

বলীউডৰ কণ্ঠশিল্পীৰ তালিকাত জুবিন নৌটিয়াল বৰ্তমান এক শীৰ্ষ পছন্দ । এটা এটা হিট গান উপহাৰ দিছে জুবিনে । ৰোমান্টিক, বেদনাদায়ক আৰু প্ৰেমৰ গীতৰ বাবে তেওঁ অধিক বিখ্যাত । বিশ্বব্যাপী আছে জুবিনৰ অনুৰাগী ।

লগতে পঢ়ক :Deepika Padukone new skincare brand: দীপিকা পাডুকনৰ ফেচক্ৰীমৰ দাম শুনি হতবাক অনুৰাগী!