Jr NTR OTT : এইবাৰ ৰূপালী পৰ্দাত নহয়, অ’ টি টিত দেখা যাব জুনিয়ৰ এন টি আৰক

ফিল্ম আৰ আৰ আৰৰ তাৰকা জুনিয়ৰ এনটিআৰে আত্মপ্ৰকাশ কৰিব অ’টিটি প্লেটফৰ্মত । অভিনেতাগৰাকীয়ে লাভ কৰিছে বৃহৎ অফাৰ । সবিশেষ জানিবলৈ পঢ়ক এই প্ৰতিবেদন ৷

চিটাৰা ডেস্ক, 8 মে’: দক্ষিণ চলচ্চিত্ৰ উদ্যোগৰ ছুপাৰষ্টাৰ জুনিয়ৰ এন টি আৰৰ অনুৰাগীৰ বাবে এটা ভাল খবৰ । অস্কাৰ বিজয়ী ছবি ‘আৰ আৰ আৰ’ৰ মুখ্য অভিনেতা জুনিয়ৰ এন টি আৰ এইকেইদিন নিজৰ ব্যস্ততাৰ মাজতে এতিয়া অভিনেতাগৰাকীয়ে ছবিজগতৰ তৃতীয় পৰ্দা অ’ টি টিত আত্মপ্ৰকাশ কৰিব (N T Rama Rao Jr)।

হয়, এটা চেনেলে অ’টিটিত এটা টক শ্ব’ আয়োজন কৰিবলৈ তেওঁক অফাৰ দিয়ে (Jr NTR OTT)। এই ভাল খবৰৰ পিচতে জুনিয়ৰ এন টি আৰৰ অনুৰাগীৰ মাজত আলোড়নৰ সৃষ্টি হৈছে । অ’টিটিৰ পৰ্দাত জুনিয়ৰ এনটিআৰক দেখিবলৈ আগ্ৰহী হৈ পৰিছে অনুৰাগী । একে সময়তে দক্ষিণ চলচ্চিত্ৰ উদ্যোগতো এই খবৰ জুইৰ দৰে বিয়পি পৰিছে ।

উল্লেখ্য যে, জুনিয়ৰ এন টি আৰে ইয়াৰ পূৰ্বে টিভি ৰিয়েলিটি শ্ব’ তেলেগু বিগ বছ ছিজন ১ ৰ আয়োজক হিচাপে কাম কৰি আহিছে । এতিয়া পোৱা খবৰ অনুসৰি তেওঁ অ’টিটিত আত্মপ্ৰকাশ কৰিব । সংবাদ মাধ্যমৰ খবৰ অনুসৰি টিভি চেনেল ইটিভিয়ে টক শ্ব’ৰ বাবে তেওঁৰ ওচৰ চাপিছে। চেনেলটোৱে অ’টিটি প্লেটফৰ্মত এটা গ্ৰেণ্ড টক শ্ব’ চলাব বিচাৰিছে (Jr NTR To Make OTT Debut With A Talk Show)।

চেনেলটোৱে বিশ্বাস কৰে যে যদি জুনিয়ৰ এনটিআৰে এই অনুষ্ঠানটোত আঁত ধৰোঁতা হিচাপে আয়োজন কৰে তেন্তে এই অনুষ্ঠানটো অতি জনপ্ৰিয় হ’ব ৷ অৱশ্যে মেকাৰসকলে এই খবৰ এতিয়ালৈকে নিশ্চিত কৰা নাই। উল্লেখ্য যে, জুনিয়ৰ এন টি আৰে তেলেগু বিগ বছৰ প্ৰথম ছিজন আয়োজন কৰিছিল, যিটো ছুপাৰ হিট বুলি প্ৰমাণিত হৈছিল ।

একে সময়তে ছুপাৰষ্টাৰগৰাকীৰ আগন্তুক ছবিৰ সময়সূচীৰ বাবে জুনিয়ৰ এন টি আৰৰ বাবে এই অফাৰক হয় বুলি কোৱাটো অলপ কঠিন হ’ব পাৰে । কাৰণ বৰ্তমান তেওঁ নিজৰ আগন্তুক ছবি এন টি আৰ ৩১ত ব্যস্ত । কোৰাতলা শিৱৰ এই ছবিখনত অভিনেতাৰ বিপৰীতে অভিনয় কৰিছে জাহ্নৱী কাপুৰে ।

একে সময়তে জুনিয়ৰ এন টি আৰৰ নাম যশ ৰাজৰ চোৰাংচোৱা ছবি ৱাৰ-২ ৰ সৈতে জড়িত হৈ পৰিছে । এই ছবিখনত তেওঁক হৃত্বিক ৰোশনৰ সৈতে একচন অৱতাৰত দেখা যাব (Jr NTR to host THIS show)।

লগতে পঢ়ক:Lal Salaam : লাল চালামৰ পৰা মুক্তি ৰজনীকান্তৰ ফাৰ্ষ্ট লুক, ইয়াৰ পিচতে ব্যাপক ট্ৰ’লৰ সন্মুখীন হয় ৰজনীকান্ত