চিটাৰা ডেস্ক, 4 অক্টোবৰ: টিভিৰ আটাইতকৈ জনপ্ৰিয় ফেমিলি কমেডী ধাৰাবাহিক’ হৈছে ‘তাৰক মেহতা কা উল্টা চশমা’। এই অনুষ্ঠানটোৰ প্ৰতিগৰাকী শিল্পীয়ে সমগ্ৰ বিশ্বৰ পৰা মৰম লাভ কৰে । শ্ব’টোৰ বহু চৰিত্ৰ এতিয়া আইকনিক হৈ পৰিছে । অধিকাংশ লোকে দয়া ভাভিৰ চৰিত্ৰ অৰ্থাৎ দিশা বাকানী আৰু জেঠালাল অৰ্থাৎ দিলীপ যোশীৰ চৰিত্ৰটো ভাল পায় । একে সময়তে দৰ্শকে তাৰক মেহতাৰ চৰিত্ৰটোক আটাইতকৈ বুদ্ধিমান বুলি বিবেচনা কৰে । আনকি শ্ব’টোৰ শিশু শিল্পীসকলো ঘৰে ঘৰে পৰিচিত ।
অৱশ্যে ‘তাৰক মেহতা কা উল্টা চশমা’ৰ বহু অভিনেতা-অভিনেত্ৰীয়ে শেহতীয়াকৈ শ্ব’টোৰ পৰা বিদায় লৈছে । কোনোবাই বিতৰ্কৰ বাবে শ্ব’টোৰ পৰা বিদায় লৈছে, আন কোনোবাই আকৌ পাৰিবাৰিক দায়িত্বৰ বাবে শ্ব’টোৰ পৰা বিদায় ল’বলগীয়া হৈছে । এই তালিকাত দিশা বাকানী অৰ্থাৎ দয়া ভাভিৰ পৰা আৰম্ভ কৰি শৈলেশ লোড়ালৈকে নাম সন্নিবিষ্ট হৈছে । এতিয়া শেহতীয়াকৈ খবৰ আহিছে যে জেঠালাল অৰ্থাৎ দিলীপ যোশীয়েও শ্ব’টোৰ পৰা বিদায় লৈছে । কিন্তু কিমান সত্যসত্যতা আছে এই খবৰত সেয়া জানো আহক এই প্ৰতিবেদনত ।
শেহতীয়াকৈ বহু বাতৰিত দাবী কৰা হৈছিল যে জেঠালালে শ্ব’টোৰ পৰা বিৰতি লৈছে ৷ কেৱল ইমানেই নহয়, কোৱা হৈছিল তেওঁ শ্ব’টোলৈ আৰু কেতিয়াও ঘূৰি নাহে ৷ এই খবৰৰ পিচতে হতাশ হৈ পৰিছে তেওঁৰ অনুৰাগী ৷ বহু অনুৰাগীয়ে ছ’চিয়েল মিডিয়াত নিজৰ মতামত প্ৰকাশ কৰি কয় যে যদি দয়া ভাভিৰ দৰে জেঠালালেও শ্ব’টোৰ পৰা গুচি যায়, তেন্তে শ্ব’টো একেবাৰেই ভাল নহ’ব । কিন্তু দিলীপ যোশী অৰ্থাৎ জেঠালালৰ অনুৰাগীৰ বাবে আমি এনে এটা খবৰ লৈ আহিছো যিটোৱে আপোনাৰ মুখত হাঁহি বিৰিঙাব ৷ আচলতে অভিনেতাজনে শ্ব’টো এৰি যোৱা নাই, মাত্ৰ বিৰতিহে লৈছে । সম্প্ৰতি তেওঁ পৰিয়ালৰ সৈতে সময় কটাইছে ।