Salman Khan: কিয় দেউতাকৰ চকুত চকু থৈ কথা নাপাতে ভাইজানে ?

ছলমান খানৰ বিষয়ে বহু গোপন কথা প্ৰকাশ কৰিছে জাভেদ আখতাৰে । ছলমান খানৰ বিষয়ে কি প্ৰকাশ কৰিছে জানিবলৈ পঢ়ক এই প্ৰতিবেদন ৷

চিটাৰা ডেস্ক, 10 নৱেম্বৰ: ৰিল লাইফেই হওক বা ৰিয়েল লাইফ, বলীউডৰ ভাইজান ছলমান খান প্ৰকৃততে এজন বেপৰোৱা চৰিত্ৰৰ গৰাকী ৷ কিন্তু তেওঁৰ এই ছবি কেৱল অন্যান্য লোকসকলৰ বাবেহে ৷ যেতিয়াই দবাং খানে নিজৰ দেউতাৰ সৈতে কথা বতৰাত লিপ্ত হয় সেই মুহূৰ্ততে বলীউড তাৰকাগৰাকীৰ চকু দেউতাৰ সন্মুখত তললৈ নামি আহে ৷ অৱশ্যে এয়া আমি কোৱা কথা নহয়, এয়া ছলমান খানৰ চিত্ৰনাট্যকাৰ পিতৃ চেলিম খানৰ তাৰকা বন্ধু জাভেদ আখতাৰে কোৱা কথাহে ।

দৰাচলতে শেহতীয়াকৈ এক অনুষ্ঠানত হিন্দী চিনেমাৰ ঐতিহাসিক ছবি ‘শ্বোলে’ৰ আইকনিক যুটি চেলিম-জাভেদক বহুদিনৰ মূৰত একেলগে দেখা পোৱা গৈছিল । চেলিম আৰু জাভেদে একেলগে শ্বোলে ছবিখনৰ চিত্ৰনাট্য, সংলাপ আৰু গীত প্ৰস্তুত কৰিছিল । বাৰু, যিয়ে নহওক জাভেদ আখতাৰে আচলতে ছলমান খানৰ বিষয়ে কি কৈছিল জানো আহক এই প্ৰতিবেদন ।

তললৈ চাই দেউতাকৰ সৈতে কথা পাতে ছলমানে - জাভেদ আখতাৰ

শেহতীয়াকৈ এটা অনুষ্ঠানত একেলগে দেখা গৈছিল জাভেদ আখতাৰ আৰু চেলিম খানক । য’ত এই হিট যুটীয়ে ব্যক্তিগত আৰু পেছাদাৰী জীৱনকে ধৰি তেওঁলোকৰ বন্ধুত্বৰ বিষয়েও বহু কথা উল্লেখ কৰে ।

একে সময়তে অনুষ্ঠানটোত জাভেদ আখতাৰে চেলিম খানৰ পুত্ৰ তথা বলীউডৰ ছুপাৰষ্টাৰ ছলমান খানৰ বিষয়ে বহু কথা প্ৰকাশ কৰে । জাভেদে কয়, পিতৃ-মাতৃক কেনেকৈ সন্মান দিব লাগে, পিতৃ-মাতৃৰ সৈতে কেনেধৰণে ব্যৱহাৰ কৰিব, পিতৃ-মাতৃৰ কথা কেনেকৈ আখৰে আখৰে পালন কৰিব লাগে, এইবোৰ বিষয়ত তেওঁৰ ডাঙৰ সন্তানটোৱে ভালকৈ জানে, যি আটাইতকৈ ডাঙৰ তাৰকা আৰু তেওঁ দেউতাকৰ চকুত চকু থৈ কেতিয়াও কথা নাপাতে ৷ এইটোৱেই আমাৰ পৰম্পৰা, এইটোৱেই আমাৰ সংস্কৃতি, এই ল’ৰা-ছোৱালীবোৰে এইখিনি লাভ কৰিছে ।’’

লগতে পঢ়ক:Salman Khan: 6 বছৰ পূৰ্বে দিছিল এখন ব্লকবাষ্টাৰ ছবি, তাৰ পিচৰে হিটৰ বাবে হাহাকাৰ কৰিছে ভাইজানে