চিটাৰা ডেস্ক, 26 এপ্ৰিল: দক্ষিণ চলচ্চিত্ৰ উদ্যোগৰ মেগা ব্লকবাষ্টাৰ আৰু অস্কাৰ বিজয়ী ছবি ‘আৰ আৰ আৰ’ৰ জনপ্ৰিয়তা এতিয়াও সমগ্ৰ বিশ্বজুৰি অব্যাহত আছে ৷ ‘বাহুবলী’ৰ দৰে সফল ছবি নিৰ্মাণ কৰা পৰিচালক এছ এছ ৰাজামৌলিয়ে নিৰ্মাণ কৰিছে এই ছবিখন (James Gunn is all praises for RRR)। ২০২২ চনৰ ২৫ মাৰ্চত মুক্তি লাভ কৰিছিল ছবিখন । এই ছবিখনে বিশ্বব্যাপী ব্যৱসায় কৰিছিল ১১৫০ কোটিতকৈও অধিক টকা ৷ এই ছবিখনৰ জৰিয়তে দক্ষিণৰ দুগৰাকী তাৰকা ৰাম চৰণ আৰু জুনিয়ৰ এন টি আৰ বিশ্বজুৰি জনপ্ৰিয় হৈ পৰিছিল ।
এই ছবিখনে আন্তঃৰাষ্ট্ৰীয় পৰ্যায়ত কেইবাটাও বঁটা লাভ কৰাৰ লগতে ছবিখনৰ ছুপাৰহিট গীত নাটু-নাটুৱে ৯৫ সংখ্যক একাডেমী বঁটাত অস্কাৰ লাভ কৰে । অস্কাৰ লাভ কৰাৰ পিচত ছবিখনৰ সফলতা আকাশলংঘী হয় আৰু আনকি হলিউডৰ প্ৰবীণ পৰিচালকসকলেও ছবিখনৰ পৰিচালক আৰু ইয়াৰ মুখ্য অভিনেতাসকলৰ প্ৰশংসা কৰে । শেহতীয়াকৈ হলিউডৰ প্ৰবীণ পৰিচালক জেমছ গানে জুনিয়ৰ এন টি আৰৰ সৈতে এখন ছবি নিৰ্মাণ কৰাৰ ইচ্ছা প্ৰকাশ কৰিছে (James wishes to work with JR NTR) ।
এক সাক্ষাৎকাৰত জেমছ গানে কয় যে তেওঁ আৰ আৰ আৰ ছবিখন দেখিছিল আৰু ছবিখনত জুনিয়ৰ এন টি আৰৰ অভিনয় দেখি তেওঁ আপ্লুত হৈ পৰিছিল । আৰ আৰ আৰ ছবিখন চোৱাৰ পিচত জেমছ গানে কয়- আৰ আৰ আৰৰ এই ল’ৰাজন কোন, ইমান ভাল কাম কৰি, তেওঁৰ কাম কি, টাইগাৰৰ সৈতে গুহাৰ পৰা ওলাই অহাটো সঁচাকৈয়ে অতি সুন্দৰ কথা, তেওঁৰ লগত কাম কৰিব বিচাৰিম, বৰ ধুনীয়া আৰু কুল (James would love to work with Jr NTR) ।