চিটাৰা ডেস্ক, 19 মে’: ভাৰতৰ বেটিং ছুপাৰষ্টাৰ বিৰাট কোহলী আৰু বলীউডৰ অভিনেত্ৰী অনুষ্কা শৰ্মা দেশৰ অন্যতম প্ৰিয় দম্পতী ৷ তেওঁলোকৰ ইগৰাকীয়ে সিগৰাকীৰ প্ৰতি থকা মৰম প্ৰায়ে দেখা পোৱা যায়, সেয়া লাগিলে ছ’চিয়েল মিডিয়াৰ পোষ্টৰ জৰিয়তেই হওক অথবা বাস্তৱ জীৱনতেই হওক ৷ সেয়াহে তেওঁলোকক অনুৰাগীও পছন্দ কৰে ।
১৯ মে’ত দুয়োৰে আকৌ এটা হৃদয়স্পৰ্শী মুহূৰ্ত ভাইৰেল হৈ পৰে ছ’চিয়েল মিডিয়াত ৷ যিয়ে আকৌ এবাৰ অনুৰাগীৰ হৃদয় জয় কৰিবলৈ সক্ষম হয় । আচলতে চলি থকা আই পি এল ২০২৩ ৰ ৬৫ সংখ্যক মেচত ছানৰাইজাৰ্ছ হায়দৰাবাদ (এছ আৰ এইচ) ৰ বিৰুদ্ধে শতক অৰ্জন কৰাৰ পিচত বিৰাট কোহলীক পত্নী অনুষ্কা শৰ্মাৰ সৈতে ভিডিঅ’ কলত কথোপকথন কৰা দেখা পোৱা যায় (SRH vs RCB) ৷
SRH বনাম RCBৰ খেলৰ পিচত ভিডিঅ’ কলত কথা পতা দেখা গ’ল বিৰাট-অনুষ্কাক
ৰাজীৱ গান্ধী আন্তঃৰাষ্ট্ৰীয় ষ্টেডিয়ামত ছানৰাইজাৰ্ছ হায়দৰাবাদ (এছ আৰ এইচ) ৰ বিৰুদ্ধে ৬৩ বলত শতক অৰ্জন কৰি ৰয়েল চেলেঞ্জাৰছ বেংগালুৰু (আৰ চি বি)ৰ প্ৰবীণ বেটছমেনগৰাকীয়ে নিজৰ দলটোক ৮ উইকেটত জয়ী কৰাত সহায় কৰে। উল্লেখ্য যে, শতক অৰ্জন কৰাৰ পিচত আৰু মেচ শেষ হোৱাৰ পিচত বিৰাটে পত্নী অনুষ্কা শৰ্মাক ভিডিঅ’ কল কৰা দেখা যায় (Virat Kohli Video Calls Wife Anushka Sharma) ৷