চিটাৰা ডেস্ক, 8 ডিচেম্বৰ: মুক্তিলাভ কৰিলে বহু প্ৰত্যাশিত ছবি ফাইটাৰৰ টিজাৰ ৷ এই টিজাৰত দেখা গৈছে হৃতিক ৰোশন আৰু দীপিকা পাডুকোনৰ ছিজলিং কেমিষ্ট্ৰী । পোনপ্ৰথমবাৰৰ বাবে একেখন পৰ্দাত দুয়োগৰাকী তাৰকাক দেখা যাব ৷ এই টিজাৰত অভিনেতাসকলক ইউনিফৰ্ম পৰিধান কৰি যুদ্ধ বিমানত উঠি থকা দেখা গৈছে । অৱশ্যে টিজাৰত যুদ্ধ বিমানৰ বাহিৰেও অন্য কাহিনীও লুকাই আছে । টিজাৰটোতেই হৃতিক আৰু দীপিকাই কিছুমান অন্তৰংগ দৃশ্য শ্বেয়াৰ কৰা দেখা গৈছে । যিয়ে অনুৰাগীসকলক ছবিখন চাবলৈ আৰু অধিক আগ্ৰহী কৰি তুলিছে ।
হৃতিক ৰোশন আৰু দীপিকা পাডুকোনৰ যুটিয়ে কৰিলে হৃদয় জয়
টিজাৰৰ দ্বিতীয় খণ্ডত পৰিচালক সিদ্ধাৰ্থ আনন্দে প্ৰকাশ কৰে যে, ছবিখনত এটা গীত থাকিব য’ত হৃতিক আৰু দীপিকাৰ কেমিষ্ট্ৰি প্ৰদৰ্শন কৰা হ’ব । টিজাৰত দেখুওৱা ধৰণে স্নেপশ্বটত হৃতিকে চাৰ্টবিহীনভাৱে মাটিত পৰি থকা দেখা গৈছে, আনহাতে মনোকিনি পৰিধান কৰা দীপিকাক হৃতিকৰ সৈতে খুবেই আকৰ্ষণীয় লাগিছে। এই মুহূৰ্তটোৱে ইতিমধ্যে ছ’চিয়েল মিডিয়া প্লেটফৰ্মত মানুহৰ দৃষ্টি আকৰ্ষণ কৰিবলৈ আৰম্ভ কৰিছে । ইয়াৰ উপৰিও টিজাৰত এই কথাও প্ৰকাশ পাইছে যে ছবিখনত এটা ডান্সিং নাম্বাৰ আছে, এটা আৱেগিক অন্ত্যেষ্টিক্ৰিয়াৰ দৃশ্য আৰু বহুতো ৰহস্য লুকাই আছে এই ছবিখনত । সেয়া যিকি নহওক কিয় এক কথাত ফাইটাৰৰ এই প্ৰথম টিজাৰতে ছবিখনকলৈ দৰ্শকৰ উৎসাহ দেখিবলৈ পোৱা গৈছে ৷