চিটাৰা ডেস্ক, 14 এপ্ৰিল: বিহু হৈছে অসমত উদযাপিত এক গুৰুত্বপূৰ্ণ উৎসৱ আৰু ৰঙালী বিহুত অসমীয়া নৱবৰ্ষৰ আৰম্ভণি হয় । শেহতীয়াকৈ অসমৰ বিহুৱে গীনিজ বুকুত অভিলেখ ৰচনা কৰাৰ সময়তে বিহু সন্দৰ্ভত বলীউডৰ মোহময়ী অভিনেত্ৰী তথা বিজেপিৰ সাংসদ হেমা মালিনীয়ে কৰা এটা টুইটে সম্প্ৰতি তোলপাৰ লগাইছে ছ’চিয়েল মিডিয়াত (Hema Malini Tweet for Bihu) ৷
শেহতীয়া টুইটত হেমা মালিনীয়ে বিহুক বিহাৰৰ উৎসৱ বুলি ভুলকৈ অভিহিত কৰিছিল (Bihu festival of Bihar) । ইয়াৰ ফলত ছ’চিয়েল মিডিয়াত নেটিজেনৰ সমালোচনা আৰু ট্ৰ’লিঙৰ সন্মুখীন হয় অভিনেত্ৰীগৰাকী। নেটিজেনৰ ক্ষোভৰ সন্মুখীন হোৱাৰ পিচতে এক নতুন টুইটত বলীউডৰ প্ৰবীণ অভিনেত্ৰীগৰাকীয়ে নিজৰ ভুলৰ বাবে ক্ষমা বিচাৰিছে (Hema Malini Apologises Over Bihu Festival Tweet)।
হেমা মালিনীয়ে বিহুক 'বিহাৰ উৎসৱ' বুলি অভিহিত কৰিছিল
ইয়াৰ পূৰ্বে এটা টুইটত হেমা মালিনীয়ে লিখিছিল, "এতিয়া হাৰ্ভেষ্টৰ বতৰ । তামিজ পুথাণ্ডু (নতুন বছৰ), বৈছাখী (পাঞ্জাব), বিহু (বিহাৰ) আৰু পোহেলা বৈছাখ বা নবা বৰষা (বংগ) আদি কিছুমান উৎসৱ পালন কৰা হয় । আপোনালোক সকলোকে এই উৎসৱৰ মাহৰ শুভেচ্ছা থাকিল ।"
হেমা মালিনীয়ে নিজৰ ভুলটো লক্ষ্য কৰি ক্ষমা বিচাৰি আন এটা টুইট কৰিলে