চিটাৰা ডেস্ক, ৫ জানুৱাৰী : ২০২৩ চনত মুক্তি পোৱা বিক্ৰান্ত মচ্ছী অভিনীত ‘১২th fail’এ দৰ্শকৰ পৰা যথেষ্ট সঁহাৰি লাভ কৰাৰ লগতে ছবিখনে বক্স অফিচতো এক সুন্দৰ উপাৰ্জন লাভ কৰিছে । বহু চেলিব্ৰিটিয়ে ছবিখনত বিক্ৰান্ত মচ্ছিৰ অভিনয়ক প্ৰশংসা কৰিছে ৷ এতিয়া বলীউডৰ কুইন কংগনা ৰনৌতেও ‘১২th fail’ আৰু বিক্ৰান্তৰ অভিনয়ক প্ৰশংসা কৰিছে । কেৱল এয়াই নহয়, প্ৰয়াত অভিনেতা ইৰফান খানৰ সৈতে বিক্ৰান্তক তুলনা কৰিছে অভিনেত্ৰীগৰাকীয়ে ।
‘১২th fail’ৰ প্ৰশংসাত পঞ্চমুখ কংগনা
‘১২th fail’ ত বিক্ৰান্তৰ অভিনয়ক প্ৰশংসা কৰি কংগনাই নিজৰ ইনষ্টাগ্ৰাম ষ্ট’ৰীত এটা পোষ্টত লিখিছে, "কি আচৰিত ছবি... হিন্দী মাধ্যম হোৱাৰ বাবে মই এখন গ্ৰাম্য গাঁৱৰ পৰা আহিছো আৰু স্কুলীয়া দিনবোৰত কোনো ৰিজাৰ্ভেচন নোহোৱাকৈ প্ৰৱেশ পৰীক্ষাৰ বাবে জেনেৰেল কাষ্টৰ শিক্ষাৰ্থী হোৱাৰ বাবেই, মই ছবিখন চাই কান্দিছো, এখন বিমানত মই কেতিয়াও ইয়াৰ পূৰ্বে কেতিয়া ইমান কন্দা নাছিলো ৷ মোৰ সহযাত্ৰীসকলে মোক চিন্তিত দৃষ্টিৰে চাই আছিল, মই লাজ পাইছিলো ।’’
ইৰফান খানৰ শূন্যতা পূৰণ কৰিব পাৰে বিক্ৰান্তে