চিটাৰা ডেস্ক, 31 মাৰ্চ : 2021 বৰ্ষত মিছ ইউনিভাৰ্ছ খিতাপ অৰ্জন কৰা হৰনাজ সন্ধুৱে দখল কৰি আছে বাতৰিৰ শিৰোনামা ৷ দেশৰ পৰিস্থিতি উত্তপ্ত কৰি পেলোৱা হিজাব বিতৰ্কত মন্তব্য কৰাৰে পৰা নিজেই বিতৰ্কৰ মাজত সোমাই পৰিছে 22 বছৰীয়া তাৰকা গৰাকী (Harnaaz Sandhu on hijab controversy) ৷
অলপতে হৈ যোৱা Lakme Fashion Week ত ৰেম্প ৱাক কৰি সকলোৰে দৃষ্টি আকৰ্ষণ কৰিছিল হৰনাজে (Harnaaz on Lakme Fashion Week) ৷ সামাজিক মাধ্যম ব্যৱহাৰকাৰী সকলে তাতো ট্ৰ’ল কৰিলে হৰনাজক তেওঁৰ শৰীৰৰ ওজন বঢ়াক লৈ (Harnaaz Sandhu body shaming incident) ৷ পিছে হৰনাজো কম নহয় ৷ বন্ধ কৰি ন’থলে নিজৰ মুখ ৷
হিজাবৰ সমান্তৰালকৈ তেওঁৰ বাহ্যিক অৱতাৰৰ বাবে কৰা ট্ৰ’লত তেওঁ ক’লে যে, তেওঁৰ Celiac নামৰ এটা বেমাৰ আছে ৷ এই বেমাৰত মানুহৰ গ্লুটেন পৰা এলাৰ্জী হয় যাৰ ফলত শৰীৰৰ ওজন সঠিককৈ বৰ্তাই ৰখাত যথেষ্ট কষ্ট হয় !
হিজাব বিতৰ্কত মন্তব্য কৰি ট্ৰ’ল খাই মনে মনে বহি নাথাকিল হৰনাজ (Harnaaz comment on hijab controversy) ৷ পাব্লিক এডমিনিষ্ট্ৰেছনত স্নাতকোত্তৰ ডিগ্ৰী গ্ৰহণ কৰা হৰনাজে ক’লে যে, ‘দেশৰ যুৱ প্ৰজন্ম হিচাপে দেশখনত চাৰিওফালে কি হৈছে তাৰ ওপৰত দৃষ্টি নিক্ষেপ কৰাটো জৰুৰী’ ৷ লগতে হৰনাজে কয়, ‘মই কেৱল নিজৰ মত দিছো ৷ যদি ছোৱালীবোৰে হিজাব পিন্ধিব বিচাৰিছে, তেন্তে এইয়া তেওঁলোকৰ পছন্দ ৷ তাত যদি পিতৃতান্ত্ৰিক ব্য়ৱস্থাই তেওঁলোকৰ ওপৰত আধিপত্য বিস্তাৰ কৰিব খুজিছে তেনেকুৱাত তেওঁলোকে আগবাঢ়ি আহি নিজৰ বাবে মাত মতা উচিত’ ৷
লগতে পঢ়ক:Miss Universe 2021 : কোন এই হৰনাজ সন্ধু ?
