চিটাৰা ডেস্ক, 1 নৱেম্বৰ: বলীউডৰ অভিনেতা হৃত্বিক ৰোশন প্ৰায়ে নিজৰ ব্যক্তিগত জীৱনৰ বাবে বাতৰিৰ শিৰোনামত থাকে । ইফালে অনুৰাগীয়েও জানিব খোজে অভিনেতাগৰাকীৰ ব্যক্তিগত জীৱনৰ বিষয়ে ৷ হৃত্বিক ৰোশনে তেওঁৰ প্ৰেমিকা ছাবা আজাদৰ বাবে প্ৰায়ে বাতৰিৰ শিৰোনাম দখল কৰে ৷ এইবাৰ আকৌ প্ৰেমিকাৰ বাবে চৰ্চালৈ আহিছে অভিনেতাগৰাকী ৷ আজি ৩৮ সংখ্যক জন্মদিন উদযাপন কৰিছে ছাবা আজাদে । ছাবাৰ জন্মদিনত অভিনেতাগৰাকীয়ে শ্বেয়াৰ কৰিলে শুভেচ্ছা বাৰ্তা ৷ দৰাচলতে হৃত্বিকে ছ’চিয়েল মিডিয়াত ছাবাৰ বাবে এটা বিশেষ পোষ্ট শ্বেয়াৰ কৰিছে । য’ত অভিনেতাগৰাকীয়ে ছাবাক লৈ প্ৰকাশ কৰে নিজৰ মৰম ৷ হৃত্বিকে পোষ্টটোত লিখিছে যে ছাবাৰ লগত ঘৰৰ দৰে অনুভৱ হয় ।
হৃত্বিক ৰোশনে ছাবা আজাদৰ হাতত ধৰি থকা এখন ফটো শ্বেয়াৰ কৰিছে । য’ত দুয়োকে কেজুৱেল লুকত দেখা গৈছে । ছাবাই পৰিধান কৰিছে ক’লা-বগা ষ্ট্ৰাইপড টপ আৰু ধূসৰ ৰঙৰ জগাৰ । আনহাতে হৃত্বিক ক’লা টি-চাৰ্ট আৰু জগাৰ পিন্ধা দেখা গৈছে ।
ছাবাৰ প্ৰেমত বিলীন হ’ল হৃত্বিক