চিটাৰা ডেস্ক, 25 মে’: চলচ্চিত্ৰ নিৰ্মাতা কৰণ জোহৰে বলীউডত আলিয়া ভাট, জাহ্নৱী কাপুৰ আৰু সিদ্ধাৰ্থ মালহোত্ৰাকে ধৰি কেইগৰাকীও ষ্টাৰ কিডছক চিনাকি কৰাই দিছে ৷ নিৰ্মাতাগৰাকীয়ে আন কেইবাগৰাকীও অভিনেতাক মুকলি কৰিছে যিয়ে সঁচাকৈয়ে প্ৰতিভাশালী বুলি প্ৰমাণ কৰিছে আৰু দৰ্শকে তেওঁলোকক পৰ্দাত দেখি অতিকৈ পছন্দ কৰিছে (Karan Johar aka KJo turns 51) ৷
আজি (25 মে’) বৃহস্পতিবাৰে কৰণ জোহৰ ওৰফে কেজোৰ ৫১ সংখ্যক জন্মদিন (Happy Birthday Karan Johar) ৷ গতিকে কৰণ জোহৰৰ জন্মদিন উপলক্ষে জানো আহক সেইসকল অভিনেতা-অভিনেত্ৰীৰ বিষয়ে যিসকলক কৰণ জোহৰে বলীউডত মুকলি কৰিছে (Karan Johar launched star kids) ৷
১/ আলিয়া ভাট
অভিনেত্ৰী আলিয়া ভাটে ২০১২ চনত কৰণ জোহৰৰ পৰিচালিত ছবি ‘ষ্টুডেণ্ট অৱ দ্য ইয়েৰ’ৰ জৰিয়তে বলীউডত আত্মপ্ৰকাশ কৰে ৷ অনুৰাগীৰ ব্যাপক সঁহাৰি লাভ কৰে অভিনেত্ৰীগৰাকীয়ে (Alia Bhatt) । ধৰ্ম প্ৰডাকচনৰ সৈতে সহযোগিতা অব্যাহত ৰাখি আলিয়াই ‘২ ষ্টেটছ’ আৰু ‘হাম্পটি শৰ্মা কি দুলহানিয়া’, শ্বান্দাৰ’, ‘কাপুৰ এণ্ড ছন্স’, ‘বদ্ৰীনাথ কি দুলহানিয়া’, ‘ডিয়াৰ জিন্দাগী’, চোৰাংচোৱা ছবি ‘ৰাজী’ আদি ছবিতো অভিনয় কৰে ।
2) বৰুণ ধাৱন
অভিনেতা বৰুণ ধাৱন হৈছে আন এজন তাৰকা, যাক চিনাকী কৰি দিছিল কৰণ জোহৰে ৷ ২০১২ চনত বলীউডত মুক্তি পোৱা ‘ষ্টুডেণ্ট অৱ দ্য ইয়েৰ’ ছবিখনৰ জৰিয়তে মুকলি কৰে (Varun Dhawan) । মূল চৰিত্ৰত অভিনয় কৰা অভিনেতাগৰাকীক দৰ্শকে আঁকোৱালি লয় । ইয়াৰ পিচত তেওঁ কৰণ জোহৰৰ ‘হাম্পটি শৰ্মা কি দুলহানিয়া’, ‘বদ্ৰীনাথ কি দুলহানিয়া’ আৰু ‘কলংক’ৰ দৰে ছবিত অভিনয় কৰিছিল বৰুণে ।
3) সিদ্ধাৰ্থ মালহোত্ৰা
বৰুণ আৰু আলিয়াৰ লগতে অভিনেতা সিদ্ধাৰ্থ মালহোত্ৰাই ২০১২ চনত কৰণৰ ‘ষ্টুডেণ্ট অৱ দ্য ইয়েৰ ২’ ছবিখনেৰে বলীউডত আত্মপ্ৰকাশ কৰে (Sidharth Malhotra) ৷ পিছলৈ মালহোত্ৰাই অক্ষয় কুমাৰৰ বিপৰীতে ‘ব্ৰাদাৰ্ছ’ৰ দৰে আন কেইবাখনো ছবি যেনে ‘জবৰীয়া জোডি’, 'কাপুৰ এণ্ড সন্স', 'হাছি তোহ ফাছি', 'বাৰ বৰ দেখো', 'ইত্তেফাক' আৰু 'শ্বেৰশ্বাহ'ত অভিনয় কৰে ।