চিটাৰা ডেস্ক, 15 মাৰ্চ: অস্কাৰ বিজয়ী চুটি তথ্যচিত্ৰ ‘দ্য এলিফেণ্ট হুইছপাৰ্ছ’ৰ প্ৰযোজক গুনীত মংগাৰ বৰ্তমান সময়ত আনন্দৰ সীমা নাই ৷ এই ঐতিহাসিক বিজয়ৰ বাবে গুনীতে ছ’চিয়েল মিডিয়াত আনন্দ প্ৰকাশ কৰি অস্কাৰ ট্ৰফী তেওঁৰ সকলো অনুৰাগী আৰু দেশবাসীৰ নামত উৎসৰ্গা কৰিছে (Guneet Monga) । এই অসাধাৰণ জয়ৰ বাবে পৰিয়ালবৰ্গকো ধন্যবাদ জ্ঞাপন কৰিছে গুনীতে ।
শেহতীয়াকৈ গুনীতে স্বামী ছানী কাপুৰৰ সৈতে কটোৱা অস্কাৰ ট্ৰফীৰ সৈতে বিশেষ মুহূৰ্তটো অনুৰাগীৰ সৈতে শ্বেয়াৰ কৰিছে । হাতত অস্কাৰ ট্ৰফী লৈ স্বামী ছানী কাপুৰৰ সৈতে চুমা খোৱা এখন ফটো ছ’চিয়েল মিডিয়াত ভাইৰেল হৈছে (Guneet Monga Husband Sunny Singh) ৷ এই ফটোখনত সেউজীয়া চাৰ্ট পৰিধান কৰা দেখা পোৱা গৈছে গুনীত মংগাক (Guneet Monga liplock with husband) ৷
এইখিনিতে উল্লেখ কৰিব লাগিব যে অভিনেত্ৰী হুমা কুৰেশ্বীয়ে এই ছবিখন ছ’চিয়েল মিডিয়াত শ্বেয়াৰ কৰি তেওঁৰ প্ৰথম প্ৰযোজকক এই জয়ৰ বাবে অভিনন্দন জনাইছে (Huma Qureshi instagram post)। ইয়াৰ লগতে হুমাই অস্কাৰ ট্ৰফীৰ সৈতে নিজৰ এখন সুন্দৰ ছবিও নিজৰ ইনষ্টাগ্ৰাম একাউন্টত শ্বেয়াৰ কৰিছে । হুমাই অস্কাৰ ট্ৰফীৰ সৈতে এটা ভিডিঅ’ও ইনষ্টাগ্ৰাম একাউন্টত শ্বেয়াৰ কৰিছে ৷