চিটাৰা ডেস্ক, 14 জুলাই :সুন্দৰ আৰু সাহসী অভিনয়েৰে অনুৰাগীক মতলীয়া কৰি ৰখা অভিনেত্ৰী জাহ্নৱী কাপুৰৰ নতুন ছবি ‘গুড লাক জেৰী’ৰ ট্ৰেইলাৰ বৃহস্পতিবাৰে মুকলি কৰা হয় (Good Luck Jerry Trailer )। ট্ৰেইলাৰৰ পৰা প্ৰকাশ পাইছে যে জাহ্নৱী কাপুৰে এগৰাকী বিহাৰী ছোৱালীৰ চৰিত্ৰত অভিনয় কৰিছে, যিগৰাকী বিহাৰৰ পৰা কামৰ সন্ধানত পঞ্জাৱলৈ ওলাই আহে । ইয়াৰ পূৰ্বে ছবিখনৰ প্ৰথমখন পোষ্টাৰ শ্বেয়াৰ কৰা হৈছিল । অভিনেত্ৰীগৰাকীয়ে ছ’চিয়েল মিডিয়াত কিছু ফটো পোষ্ট কৰিছিল, য’ত দেখা গৈছিল অভিনেত্ৰীগৰাকীৰ terrific লুক ।
২.৫০ মিনিটৰ ট্ৰেইলাৰটোৰ আৰম্ভণিতে জাহ্নৱী কাপুৰে পঞ্জাৱৰ এজন লোকৰ ওৰলৈ কাম বিচাৰি অহা দেখা যায় ৷ মাতৃৰ চিকিৎসাৰ বাবে ধন সংগ্ৰহ কৰিবলৈ তেনেদেৰ কাম বিচাৰি ফুৰে জাহ্নৱীয়ে । ইয়াৰ পিছত জাহ্নৱী কাপুৰক আনক মালিচ দিয়া কাম কৰা দেখা গৈছে । ট্ৰেইলাৰত দেখা গৈছে যে ছবিখনত মালিচ দিয়াৰ নামত অনৈতিক কামো চলে, য’ত জাহ্নৱী বেয়াকৈ জালত সোমাই পৰে ।
জাহ্নৱীৰ চৰিত্ৰটোৰ নাম জেৰী (Janhvi Kapoor upcoming movie) । কৌতুক অভিনেতা দীপক ডব্ৰিয়ালৰ আভাসো পোৱা গ’ল ট্ৰেইলাৰটোত । ছবিখনত ক্ৰাইম পেট্ৰ’লৰ সুশান্ত সিঙে ভিলেইনৰ চৰিত্ৰত অভিনয় কৰিছে । ছবিখনৰ পটভূমিত বিহাৰ আৰু পঞ্জাৱক দেখুওৱা হৈছে ।