চিটাৰা ডেস্ক, 14 মাৰ্চ: ছাৰা আলী খান অভিনীত ছবি "গেছলাইট"ৰ ট্ৰেইলাৰ মুকলি (Gaslight trailer out) ৷ পৱন কিৰপালানীৰ পৰিচালনাত নিৰ্মিত ‘গেছলাইট’ত মুখ্য চৰিত্ৰত অভিনয় কৰিছে ছাৰা আলী খান, বিক্ৰান্ত মেছি আৰু চিত্ৰাংগদা সিঙে । ৩১ মাৰ্চৰ পৰা অ’টিটি প্লেটফৰ্ম ডিজনী+ হটষ্টাৰত প্ৰচাৰিত হ’ব ছবিখন (Sara Ali Khan new movie) ।
গেছলাইটৰ ট্ৰেইলাৰত দেখা পোৱা অনুসৰি ছাৰাই শাৰীৰিকভাৱে অক্ষম এগৰাকী ছোৱালীৰ চৰিত্ৰত অভিনয় কৰিছে ৷ ছবিখনত দৰ্শোৱা অনুসৰি এগৰাকী শাৰীৰিকভাৱে অক্ষম ছোৱালী যিয়ে বহু বছৰ পিচত নিজা বাসগৃহত উভতি আহে ৷ ঘৰ উভতি আহি পিতৃ অৰ্থাৎ ৰজাৰ সন্ধানহীন হোৱাৰ খবৰ লাভ কৰে ৷ তাৰ পিচত পিতৃৰ সন্ধানত নামি পৰে ছাৰা আৰু অৱশেষত এটা হত্যাকাণ্ড সংঘটিত হয় ৷ তাৰ পিচতে হত্যাকাণ্ডৰ মূল অভিযুক্তক বিচাৰি আৰম্ভ হয় কাহানী ৷
অৱশ্যে ছবিখনৰ ট্ৰেইলাৰে কিছু শিহৰিত কৰিব পাৰে আপোনাক ৷ ট্ৰেইলাৰৰ আৰম্ভণিতে চিত্ৰংগদা সিঙে ছাৰাক তেওঁলোকৰ পূৰ্বপুৰুষৰ ঘৰলৈ আদৰণি জনাৱো দেখিবলৈ পোৱা যায় । চিত্ৰংগদাৰ চৰিত্ৰটো কিছু সন্দেহজনক আৰু ৰজাৰ হত্যাকাণ্ডৰ কথা লুকাই ৰাখিবলৈ চেষ্টা কৰে ৷ কিন্তু এই বিষয়ে ছাৰাই অতি শীঘ্ৰেই গম পায় কাৰণ ছাৰাক দেউতাকৰ আত্মাই খেদি ফুৰিছিল, এই আত্মাটোৱে ছাৰাক এনেকুৱা লাগিছে যেন সত্য দেখুৱাবলৈ চেষ্টা কৰিছে ।