‘গদৰ ২’ৱে বক্স অফিচত বৰ্তমান এক খলকণিৰ সৃষ্টি কৰিছে । এই ছবিখনক পুৰণি বুলি কৈ কটুক্তি আগবঢ়োৱা সকলৰ মুখ বন্ধ কৰিবলৈ সক্ষম হৈছে ছবিখনে । ছবিখন মুক্তি পোৱাৰ মাত্ৰ ৪ দিন হ'ল আৰু এতিয়া খবৰ আহিছে যে এই ছবিখনে ছবিগৃহৰ পিছত অতি সোনকালে OTT ত মুক্তি পাবলৈ গৈ আছে । এই প্ৰতিবেদনৰ জৰিয়তে জানো আহক 'গদৰ ২' কেতিয়া আৰু কোনটো OTTত প্লেটফৰ্মত মুক্তি লাভ কৰিব ।
এই OTT প্লেটফৰ্মত মুক্তিৰ আলোচনা
‘গদৰ ২’ ছবিখনৰ বক্স অফিছৰ সংগ্ৰহে বৰ্তমান এক আলোড়নৰ সৃষ্টি কৰিছে । এনে পৰিস্থিতিত ছবিখনৰ অ’টিটিত মুক্তিৰ সন্দৰ্ভত আলোচনা তীব্ৰতৰ হৈ পৰিছে । বহু সংবাদ মাধ্যমত দাবী কৰা হৈছে যে, এই ছবিখন কোনটো অ’টিটি প্লেটফৰ্মত মুক্তি পাব সেই সন্দৰ্ভত নিৰ্মাতাসকলে কোনো সিদ্ধান্ত লোৱা নাই । যদিও বহু অ’টিটি প্লেটফৰ্মৰ নাম চৰ্চালৈ আহিছে ।
অ'টিটিত কেতিয়া মুক্তি পাব 'গদৰ ২'?
সংবাদ মাধ্যমৰ বাতৰি অনুসৰি ‘গদৰ ২’ ছবিগৃহত মুক্তি পোৱাৰ প্ৰায় এমাহৰ পিছতে অ’টিটিত মুক্তি পাব পাৰে । অৱশ্যে এই ছবিখনৰ অ’টিটিত মুক্তিৰ সন্দৰ্ভত এতিয়াও কোনো আনুষ্ঠানিক তথ্য অহা নাই ।
বিতৰকসকল সাজু নাছিল
শেহতীয়াকৈ ‘গদৰ ২’ৰ প্ৰচাৰৰ সময়ত ছবিখনৰ বিষয়ে বহু কথা প্ৰকাশ কৰিছিল ছানী দেউলে । ছানী দেওলে ‘দ্য কপিল শৰ্মা শ্ব’ত কৈছিল- ‘গদৰ: এক প্ৰেম কথা ছবিয়ে কোনো বিতৰক পোৱা নাছিল । কিন্তু এই ছবিখনৰ মুক্তি আৰু দৰ্শকে লাভ কৰা সঁহাৰিয়ে সকলো সলনি কৰি পেলালে । যেতিয়া এই ছবিখন মুক্তি লাভ কৰিলে তেতিয়া চলচ্চিত্ৰ উদ্যোগৰ সৈতে জড়িত সকলোৱে স্তম্ভিত হৈ পৰিল । উল্লেখ্য যে, ‘গদৰ এক প্ৰেম কথা’ মুক্তি পোৱা ২২ বছৰ হ’ল । ইয়াৰ পিছত ছবিগৃহত ১১ আগষ্টৰ দিনা মুক্তি লাভ কৰিলে ‘গদৰ ২’ । ১০০ কোটিত নিৰ্মাণ হোৱা এই ছবিখনে এতিয়ালৈকে ভাৰতত ১৩৪.৮৮ কোটি টকা সংগ্ৰহ কৰিবলৈ সংক্ষম হৈছে ৷
লগতে পঢ়ক:Johnny Lever Birthday: বলীউডৰ অভিনেতাৰ মিমিক্ৰী কৰি ৰাজপথত বিক্ৰী কৰিছিল কলম, আজি এগৰাকী জনপ্ৰিয় কমেডীয়ান
