চিটাৰা ডেস্ক, ২০ আগষ্ট: ছানী দেওল আৰু আমিষা পেটেল অভিনীত ছবি গদৰ ২ ৰ নৱম দিনৰ বক্স অফিচ সংকলন বিশ্বজুৰি চমকপ্ৰদ হৈছে । দ্বিতীয় শুকুৰবাৰৰ তুলনাত ছবিখনৰ সংগ্ৰহ কমেও ২৫ শতাংশ বৃদ্ধি হৈছে । বিশ্বজুৰি সৰ্বাধিক উপাৰ্জন কৰা ভাৰতীয় ছবিৰ তালিকাত গদৰ ২ এতিয়া ২২ নম্বৰ স্থানত আছে আৰু হিন্দী ১০০ কোটি ক্লাবৰ তালিকাত অষ্টম স্থানত আছে ।
ভাৰতৰ বক্স অফিচত ধুমুহাৰ সৃষ্টি কৰিছে গদৰ ২ ছবিখনে আৰু প্ৰতিদিনে ভংগ কৰিছে অভিলেখ । দ্বিতীয় শুকুৰবাৰে ২০.৫০ কোটি টকা সংগ্ৰহ কৰি সৰ্ববৃহৎ অভিলেখ গঢ়ি তোলাৰ পাচত দ্বিতীয় শনিবাৰেও গদৰ ২ৰ দৌৰ অব্যাহত আছে বক্স অফিচত । প্ৰাথমিক হিচাপ অনুসৰি দ্বিতীয় শনিবাৰে ছানী দেওল আৰু অমিষা পেটেলৰ ছবিখনে প্ৰায় ৩১.৫০ কোটি টকা সংগ্ৰহ কৰিছে । নৱম দিনা অনিল শৰ্মাই পৰিচালনা কৰা পাৰিবাৰিক ছবিখনৰ মুঠ সংগ্ৰহ ৩৩৬.৬৩ কোটি টকালৈ বৃদ্ধি পোৱাৰ বিপৰীতে মুঠ লাইফটাইম সংগ্ৰহ ৫২৪ কোটি নেটত উপনীত হৈছে । দ্বিতীয় শনিবাৰে প্ৰায় ২৬.৫ কোটি টকা সংগ্ৰহ কৰা ‘বাহুবলী ২- দ্য কনক্লুচন’ ছবিখনৰ সৰ্বকালৰ অভিলেখ ভংগ কৰিছে গদৰ ২ য়ে ।