চিটাৰা ডেস্ক, 17 আগষ্ট:জনপ্ৰিয় গায়ক তথা অভিনেত্ৰী প্ৰিয়ংকা চোপ্ৰাৰ স্বামী নিক জ’নাছ এইকেইদিন সংগীত ভ্ৰমণত আছে ভাতৃদ্বয় জো আৰু কেভিনৰ সৈতে । শেহতীয়াকৈ নিউয়ৰ্কত জ’নাছ ব্রাদার্ছে এটা লাইভ কনচাৰ্ট পৰিৱেশন কৰিছিল ৷ যাৰ পৰা নিক জ’নাছৰ এটা ভিডিঅ’ ছ’চিয়েল মিডিয়াত ভাইৰেল হৈ পৰিছে ৷ ভিডিঅ’টোত লাইভ প্ৰদৰ্শনৰ মাজতে ভাৰসাম্য হেৰুৱাই মঞ্চত পৰি যায় নিক জ’নাছ। ছ’চিয়েল মিডিয়াত জুইৰ দৰে ভাইৰেল হৈ পৰিছে নিকৰ এই ভিডিঅ’টো।
লাইভ প্ৰদৰ্শনৰ সময়ত মঞ্চত পৰিল নিক জ’নাছ
ভাইৰেল ভিডিঅ’টোত নিক জ’নাছে সংগীত পৰিৱেশন কৰি মঞ্চৰ প্ৰান্তৰ আগফালে আহি থকা দেখা গৈছে, কিন্তু হঠাৎ ভৰিখন লৰচৰ কৰে আৰু মঞ্চতে ভাৰসাম্য হেৰুৱাই পৰি যায় পৰে ৷ পৰি যোৱাৰ পিচত নিক জ’নাছৰ মুখৰ অভিব্যক্তিই স্পষ্টভাৱে কয় যে তেওঁ আঘাত পাইছে, কিন্তু তথাপিও তেওঁ কেই ছেকেণ্ডমানৰ ভিতৰতে নিজকে চম্ভালে আৰু তাৰ পিচত পুনৰ সংগীত পৰিৱেশন কৰিবলৈ লয় ৷ নিক জ’নাছৰ মিউজিকেল ট্যুৰৰ পৰা অহৰহ তেওঁৰ অনুৰাগীৰ বাবে আপডেট শ্বেয়াৰ কৰি থকা পৰিলক্ষিত হৈছে । শেহতীয়াকৈ নিক এটা পোষ্ট শ্বেয়াৰ কৰিছে, য’ত তেওঁক কন্যা মালতী আৰু পত্নী প্ৰিয়ংকাৰ সৈতে দেখা গৈছে ।
নিক জ’নাছৰ সংগীত ভ্ৰমণত সহযোগ কৰিছে প্ৰিয়ংকা চোপ্ৰাই