চিটাৰা ডেস্ক, 16 এপ্ৰিল: বলীউডৰ ছুপাৰষ্টাৰ ছলমান খানৰ অভিনীত ছবি ‘কিছি কা ভাই কিছি জান’ ছবিগৃহত মুক্তি পাবলৈ সাজু হৈছে (Kisi ka bhai kisi ki Jaan) । ছবিখনৰ প্ৰচাৰক লৈ সম্প্ৰতি ব্যস্ত ভাইজান ৷ অনুৰাগীক ছবিখনৰ মুক্তিৰ তাৰিখ সোঁৱৰাই দিবলৈ ছলমান খানে অহৰহ ছ’চিয়েল মিডিয়াত পোষ্ট শ্বেয়াৰ কৰি থকা পৰিলক্ষিত হৈছে । শনিবাৰে গভীৰ নিশা ছলমান খানে নিজৰ আন এখন ছবি শ্বেয়াৰ কৰিছে, ছবিখন শ্বেয়াৰ কৰাৰ পিচতে ছলমানৰ প্ৰাক্তন প্ৰেয়সীয়ে ছবিখনৰ ওপৰত প্ৰকাশ কৰে নিজৰ মন্তব্য (Ex girlfriend Sangeeta Bijlani) ।
বলীউডৰ ‘ডবাং’ ছুপাৰষ্টাৰে নিজৰ ফিটনেছৰ বিশেষ যত্ন লয় (Salman Khans six pack abs)। যোৱা কিছুদিন ধৰি ছুপাৰষ্টাৰগৰাকীয়ে নিজৰ অনুৰাগীৰ সৈতে ছচিয়েল মিডিয়াত জিমৰ বহু ছবি শ্বেয়াৰ কৰিছে । শনিবাৰে ভাইজানে নিজৰ অফিচিয়েল ইনষ্টাগ্ৰামত নিজৰ ফিটনেছৰ এখন ছবি আপলোড কৰিছিল, যাৰ কেপচনত তেওঁ নিজৰ আগন্তুক ছবি ‘কেবিকেজে ২১ এপ্ৰিল’ৰ মুক্তিৰ তাৰিখ লিখিছিল ।
ছবিখনত ছুপাৰষ্টাৰগৰাকীক ঘামত তিতি থকা দেখা গৈছে। ঘামৰ বাবে তেওঁৰ টি-চাৰ্টটো সম্পূৰ্ণৰূপে শৰীৰত লাগি আছিল, যাৰ বাবে তেওঁৰ এবছ স্পষ্টকৈ দেখা পোৱা গৈছে। ছলমান খানে ছিক্স পেক এবছ প্ৰদৰ্শন কৰি প’জ দিয়া দেখা যায় (Sangeeta Bijlani comment on Salmans photo) ।
ছলমান খানৰ ছিক্স পেক দেখি অনুৰাগীয়ে কমেণ্ট বক্সত জুই আৰু ৰঙা হৃদয়ৰ ইমোজিৰ প্ৰেৰণ কৰে । একে সময়তে ছলমান খানৰ এই পোষ্টটোত তেওঁৰ প্ৰাক্তন প্ৰেমিকা সংগীতা বিজলানীয়ে প্ৰতিক্ৰিয়া প্ৰকাশ কৰে । তেওঁ কমেণ্ট বক্সত জুইৰ ইমোজিৰে লিখিছে, ‘ছিক্স পেক ছে মাৰ হি ডালেংগে’।
ছলমানৰ এই পোষ্টটোৰ ওপৰত মন্তব্য কৰি এজন ইউজাৰে লিখিছে, ‘আপোনাৰ স্তৰৰ লগত কোনেও প্ৰতিযোগিতা কৰিব নোৱাৰে । আপুনি বেলেগ ছাৰ । আপুনি এটা সম্পূৰ্ণ প্ৰজন্মৰ বাবে প্ৰেৰণা । আপোনাৰ কোনো এখন ছবিৰ ওপৰত এতিয়াও মন্তব্য দিয়া নাই । মই আপোনাৰ নিৰৱ অনুৰাগী । কিন্তু মই অনুভৱ কৰো যে মই মোৰ অনুভৱবোৰ প্ৰকাশ কৰা উচিত । আপুনি বহু মানুহক অনুপ্ৰাণিত কৰে । সৰুৰে পৰা প্ৰশংসা কৰা মানুহজনৰ প্ৰতি বহুত মৰম আৰু সন্মান আৰু আপুনি সদায় মোৰ প্ৰেৰণা হৈ থাকিব । আশাকৰোঁ কেতিয়াবা আপোনাক মুখামুখিকৈ দেখা পাম । হয়তো মোৰ সপোন মাথোঁ । কিন্তু সেই আশা মই এৰি নিদিওঁ । সেই ভিৰৰ মাজত মই আপোনাৰ পৰা বহু দূৰত থাকিম আৰু মাত্ৰ আপোনাৰ চাব বিচাৰিম যিটো মোৰ বাবে যথেষ্ট হ’ব ।"