চিটাৰা ডেস্ক, ২২ ডিচেম্বৰ: বৃহস্পতিবাৰে শ্বাহৰুখ খানৰ বছৰৰ তৃতীয়খন ছবি ‘ডাংকি’ ছবিগৃহত মুক্তি লাভ কৰিছে । ৰাজকুমাৰ হিৰানীৰ ছবিখনৰ প্ৰথমটো দৰ্শনী পুৱা ৫:৫৫ বজাত মুম্বাইৰ আইকনিক একক পৰ্দাৰ ছবিগৃহ গেইটি গেলেক্সিত হৈছিল ৷ ছ’চিয়েল মিডিয়াত ভাইৰেল হৈ পৰিছিল গেইটি গেলেক্সিত ডাংকি ছবিখন উদযাপন কৰা অনুৰাগীৰ ফটো আৰু ভিডিঅ’ ৷ অৱশ্যে পুৱাৰে পৰা ছবিখন যিদৰে আৰম্ভ হৈছিল, কিন্তু দিনৰ ভাগত ছবিগৃহসমূহত বহুগুণে কমি যায় দৰ্শকৰ ভিৰ ৷ গতিকে জানো আহক প্ৰথম দিনাই ছবিখনে বক্স অফিচত কিমান কোটি টকা উপাৰ্জন কৰিছে ।
‘ডাংকি’ৰ প্ৰথম দিনৰ উপাৰ্জন
শ্বাহৰুখ খান অভিনীত ছবি ‘ডাংকি’ ছবিগৃহত মুক্তি লাভ কৰিছে । মুক্তিৰ পূৰ্বেই ছবিখনক লৈ দৰ্শকৰ মাজত ব্যাপক উন্মাদনা দেখা পোৱা গৈছিল ৷ পুৱাৰ ভাগত ছবিখনৰ প্ৰথম দিনৰ প্ৰথম শ্ব’ চাবলৈ ছবিগৃহসমূহত ভিৰ কৰিছিল বৃহৎ সংখ্যক দৰ্শকে ৷ কিন্তু সপ্তাহৰ দিন হোৱাৰ বাবেই ছবিখনে ছবিগৃহত বিশেষ স্থান নাপালে । অৱশ্যে এতিয়া ‘ডাংকি’ মুক্তিৰ প্ৰথম দিনটোৰ উপাৰ্জনৰ তথ্য পোহৰলৈ আহিছে ।
- Sacknilk ৰ প্ৰতিবেদন অনুসৰি মুক্তিৰ প্ৰথম দিনাই ‘ডাংকি’এ ৩০ কোটি টকা উপাৰ্জন কৰিছে ।
- 'ডাংকি'ৰ প্ৰথম দিনাৰ উপাৰ্জন পাঠান, জৱান আৰু এনিমেলতকৈ বহু কম আছিল ৷