চিটাৰা ডেস্ক, 9 অক্টোবৰ: ফাতিমা সানা শ্বেইখ, দিয়া মিৰ্জা, ৰত্না পাঠক শ্বাহ আৰু সঞ্জনা সাংঘীক বলীউডৰ প্ৰতিভাৱান অভিনেত্ৰীৰ ভিতৰত ধৰা হয় । এইবাৰ এই আটাইকেইগৰাকী প্ৰতিভাৱান অভিনেত্ৰীক একেলগে দেখা পৰ্দাত ৷ তাপসী পান্নুৰ সহ-প্ৰযোজনাত নিৰ্মিত ‘ধক ধক’ নামৰ নাট্য ছবিখনত এই আটাইকেইগৰাকীক প্ৰথমবাৰৰ বাবে একেলগে দেখা যাব ৷ এই ছবিখনৰ অফিচিয়েল ট্ৰেইলাৰ আজি মুকলি কৰিছে নিৰ্মাতাই ।
'ধক ধক' ছবিখনৰ ট্ৰেইলাৰ মুকলি
৯ অক্টোবৰত অৰ্থাৎ আজি মুক্তি পালে ‘ধক ধক’ ছবিখনৰ ট্ৰেইলাৰ । তিনি মিনিটৰ এই ট্ৰেইলাৰটোৰ আৰম্ভণিতে কাহিনীটোৰ চাৰিটা মূল চৰিত্ৰৰ পৰিচয় দিয়া হৈছে, যিসকলে বাইক চলাই ভাল পায় । তাৰে ভিতৰত ৰত্ন পাঠক শ্বাহৰ অভিনীত চৰিত্ৰটোৱে বাইক চলোৱাৰ বাবে এজনে ইতিকিং কৰে । তাৰ পিচতে তেওঁলোকে পৃথিৱীৰ সৰ্বোচ্চ মটৰচালিত পথটোৰ দিশে যাত্ৰা আৰম্ভ কৰাৰ পৰিকল্পনা কৰে । লাডাখৰ লেহ জিলাত অৱস্থিত খাৰডুংলা অভিমুখে যাত্ৰা কৰে । ট্ৰেইলাৰটোত সাহস আৰু নমনীয়তাৰ বিষয়ে এটা কাহিনীৰ আভাস দিয়া হৈছে, লগতে বিভিন্ন ধৰ্মৰ অন্তৰ্গত হোৱাৰ পিচতো কেনেকৈ একেলগে থাকে তাকো দেখুওৱা হৈছে । ছবিখনত মুখ্য চৰিত্ৰত অভিনয় কৰিছে ৰত্ন পাঠক শ্বাহ, দিয়া মিৰ্জা, সঞ্জনা সংঘী আৰু ফাতিমা সানা শ্বেইখে ।
তাপসী পান্নুৰ সহ-প্ৰযোজনাত নিৰ্মিত ধক ধক
পাৰিজাত যোশী আৰু তৰুণ দুডেজাই ৰচনা কৰা ছবিখন পৰিচালনা কৰিছে খোদ তৰুণ দুডেজাই । এই ছবিখন বিএলএম পিকচাৰ্ছ, আউটছাইডাৰ ফিল্মছ প্ৰডাকচন আৰু ভায়াকম ১৮ ষ্টুডিঅ’ৰ বেনাৰত প্ৰযোজনা কৰিছে তাপসী পান্নু, অজিত আন্ধাৰে, কেভিন ভাজ আৰু প্ৰাঞ্জল খান্দৰিয়াই । নতুন দিল্লী, গ্ৰেটাৰ নয়ডা, মানালী, লেহ আৰু লাডাখত ছবিখনৰ দৃশ্যগ্ৰহণ কৰা হৈছে । ১৩ অক্টোবৰত ছবিগৃহত মুক্তি পাব ছবিখন । উল্লেখ্য যে, তাপসীয়ে প্ৰথমবাৰৰ বাবে ‘ব্লুৰ’ৰ জৰিয়তে চলচ্চিত্ৰ নিৰ্মাণত প্ৰৱেশ কৰিছিল আৰু প্ৰযোজক এতিয়া হিচাপে ‘ধক ধক’ তেওঁৰ দ্বিতীয়খন ছবি ।
ধক ধক ষ্টাৰ কাষ্টৰ ৱৰ্ক ফ্ৰন্ট
ৰত্না পাঠক শ্বাহক শেষবাৰৰ বাবে দেখা গৈছিল ২০২২ চনৰ ছ’চিয়েল কমেডী-নাটক ‘জয়শভাই জোৰদাৰত’, য’ত অভিনয় কৰিছিল ৰণবীৰ সিং আৰু শালিনী পাণ্ডেয়ে । দিয়া মিৰ্জাক শেহতীয়াকৈ লকডাউন আৰু ইয়াৰ পৰিণতিৰ ওপৰত আধাৰিত অনুভৱ সিনহাৰ ছবি ‘ভিৰ’ত দেখা গৈছিল । এতিয়া শীঘ্ৰে ৰাজকুমাৰ হিৰানীৰ ছবি ‘ডাংকি’ত দেখা যাব । ইফালে সঞ্জনা সাংঘীৰ শেষৰখন ছবি আছিল আদিত্য ৰায় কাপুৰৰ সৈতে ২০২২ চনত মুক্তি পোৱা একচন থ্ৰিলাৰ ‘ৰাষ্ট্ৰ কাৱচ ওম’ ছবিখনত । ফাতিমা সানা শ্বেখক শেষবাৰৰ বাবে দেখা গৈছিল অ’টিটি ছবি ‘থাৰ’ত ।
লগতে পঢ়ক:Tejas Trailer Out: তেজসৰ ট্ৰেইলাৰ মুকলি, দেশপ্ৰেম আৰু একচন মুডত কংগনা ৰানাৱট
