চিটাৰা ডেস্ক, 15 ছেপ্টেম্বৰ : দিল্লী আৰক্ষীৰ Economic offences wing ৰ তদন্তৰ অধীনত ঠগবাজ সুকেশ চন্দ্ৰশেখৰৰ সৈতে জড়িত 200 কোটি টকাৰ ধন দাবী আৰু প্ৰৱঞ্চনাৰ গোচৰত বুধবাৰে বলীউডৰ অভিনেত্ৰী জেকলিনক সোধা-পোছা কৰা হৈছে । সোধ পোছৰ বাবে EOW অফিচত উপস্থিত হৈছেগৈ অভিনেত্ৰী (Jacqueline Fernandez news) । ইয়াৰ পূৰ্বে EOW য়ে তেওঁৰ অনুৰোধত তদন্ত স্থগিত ৰাখিছিল । ফাৰ্ণাণ্ডেজৰ এগৰাকী সহায়ক পিংকি ইৰাণীকো তদন্তত যোগদান কৰিবলৈ মাতি অনা হৈছে আৰু দুয়োকে একেলগে জেৰা কৰাৰ সম্ভাৱনা আছে ।
ইউনিটটোৰ সূত্ৰই জনোৱা মতে, তেওঁলোকে অভিনেত্ৰীগৰাকীক সুধিবৰ বাবে প্ৰশ্নাৱলীৰ এখন দীঘলীয়া তালিকা প্ৰস্তুত কৰিছে । সূত্ৰটোৱে কয়, "আমি তেওঁক চন্দ্ৰশেখৰৰ সৈতে তেওঁৰ সম্পৰ্ক আৰু উপহাৰ, তেওঁৰ পৰা পোৱা ধনৰ বিষয়ে সুধিম । হয়তো আমি ইৰাণী আৰু ফাৰ্ণাণ্ডেজক একেলগে সন্মুখীনো কৰিব পাৰো । দুই-তিনিদিন ধৰি জেৰা চলিব পাৰে" । ইৰাণী আৰু ফাৰ্ণাণ্ডেজক যিবোৰ প্ৰশ্ন কৰা হ’ব সেইবোৰ শীৰ্ষ বিষয়াই প্ৰস্তুত কৰিছে ৷ চন্দ্ৰশেখৰে কৈ থকা মিছা কথা ধৰা পেলাবলৈ ।