চিটাৰা ডেস্ক, ১৫ জানুৱাৰী:হলিউডত আৰম্ভ হৈছে বিভিন্ন শাখাৰ বঁটা বিতৰণী অনুষ্ঠান । ৮১ সংখ্যক গোল্ডেন গ্ল’ব বঁটাৰ পিচত এতিয়া ঘোষণা কৰা হ’ল ২৯ সংখ্যক ক্ৰিটিকছ চইছ এৱাৰ্ডছ বিজয়ীৰ নাম । সোমবাৰে আমেৰিকাৰ লছ এঞ্জেলছত ক্ৰিটিকছ চইছ এৱাৰ্ডছ ২০২৪ ৰ আয়োজন কৰা হ’ব ।
ইয়াৰ পূৰ্বে ক্ৰিটিকছ চইছ এৱাৰ্ডছ ২০২৪ ৰ বিজয়ীসকলৰ নাম ঘোষণা কৰা হৈছে । এতিয়ালৈকে অপেনহাইমাৰ আৰু বাৰ্বি ছবি দুখনে বিভিন্ন শাখাত কেইবাবাৰো জয়লাভ কৰি আধিপত্য বিস্তাৰ কৰি আহিছে । ২০২৩ চনত বক্স অফিচত শাসন কৰা ছবি দুখনে লাভ কৰা বঁটাৰ তালিকা চাও আহক ।
পৰিচালক ক্ৰীষ্টোফাৰ নোলানে ২০২৪ চনৰ ক্ৰিটিকছ চইছ এৱাৰ্ডছত বায়’পিক ছবি অপেনহাইমাৰৰ বাবে শ্ৰেষ্ঠ পৰিচালকৰ বঁটা লাভ কৰে ৷ এক্স একাউন্টত ক্ৰিটিকছ চইছ এৱাৰ্ডে এটা পোষ্ট শ্বেয়াৰ কৰিছিল যাৰ কেপচনত তেওঁলোকে লিখিছিল, "অপেনহাইমাৰৰ বাবে শ্ৰেষ্ঠ পৰিচালকৰ বাবে #CriticsChoice বঁটা বিজয়ী ক্ৰীষ্টোফাৰ নোলানক অভিনন্দন ।"
পৰিচালক ক্ৰীষ্টোফাৰ নোলানৰ বায়’পিক ছবি অপেনহাইমাৰত অভিনয় কৰাৰ বাবে হলিউডৰ তাৰকা ৰবাৰ্ট ডাউনী জুনিয়ৰে ২০২৪ চনৰ ক্ৰিটিকছ চইছ এৱাৰ্ডত শ্ৰেষ্ঠ সহ অভিনেতাৰ সন্মান লাভ কৰে । শেহতীয়াকৈ ডাউনী জুনিয়ৰে অপেনহাইমাৰত অভিনয় কৰাৰ বাবে গোল্ডেন গ্ল’বছ বঁটাত শ্ৰেষ্ঠ সহ অভিনেতা পুৰুষ অভিনেতা - চলচ্চিত্ৰৰ সন্মানো লাভ কৰিছিল । উল্লেখ্য যে, ডাউনী জুনিয়ৰে বায়’পিকখনত লুইছ ষ্ট্ৰাউছৰ চৰিত্ৰত অভিনয় কৰিছিল । লুইচ ষ্ট্ৰাউছৰ পৰমাণু বোমা নিৰ্মাণত গুৰুত্বপূৰ্ণ ভূমিকা পালন কৰিছিল আৰু পিচলৈ তেওঁ জে ৰবাৰ্ট অপেনহাইমাৰৰ ৰাজনৈতিক প্ৰতিদ্বন্দ্বী হৈ পৰিছিল ।
আন এটা পোষ্টত ক্ৰিটিকছ চইছ এৱাৰ্ডে লিখিছে, "অপেনহাইমাৰৰ বাবে BEST CINEMATOGRAPHY ৰ বাবে #CriticsChoice বঁটা বিজয়ী হয়টে ভান হয়টেমালৈ অভিনন্দন ।" ইয়াৰ পূৰ্বে অপেনহাইমাৰে শ্ৰেষ্ঠ সম্পাদনা, শ্ৰেষ্ঠ চিনেমেট’গ্ৰাফী, শ্ৰেষ্ঠ ভিজুৱেল প্ৰভাৱ, শ্ৰেষ্ঠ স্ক’ৰ আৰু শ্ৰেষ্ঠ অভিনয়ৰ বাবেও বঁটাও লাভ কৰিছে ।
অপেনহাইমাৰ আৰু ইয়াৰ কাহিনী কি ?
উল্লেখ্য যে ক্ৰীষ্টোফাৰ নোলানে এই ছবিখন এক স্পর্শকাতৰ বিষয়ত নিৰ্মাণ কৰিছে । জুনিছ ৰবাৰ্ট অপেনহাইমাৰ আছিল এজন আমেৰিকান তাত্ত্বিক পদাৰ্থবিজ্ঞানী, তেওঁ দ্বিতীয় বিশ্বযুদ্ধৰ সময়ত অপেনহাইমাৰ লছ আলামোছ লেবৰেটৰীৰ পৰিচালক আছিল ।
অপেনহাইমাৰে থিয়’ৰি ফিজিক্স আয়ত্ত কৰিছিল আৰু যেতিয়া আমেৰিকাৰ তেতিয়াৰ ৰাষ্ট্ৰপতি ফ্ৰেংকলিন ডি ৰুজভেল্টে অপেনহাইমাৰৰ বিষয়ে জানিব পাৰিছিল, তেতিয়া যুদ্ধৰ সময়ত তেওঁক এটা ডাঙৰ দায়িত্ব অৰ্পণ কৰিছিল । যেতিয়া ১৯৪১ চনত জাপানে আমেৰিকাৰ পাৰ্ল হাৰ্বাৰত বোমা নিক্ষেপ কৰিছিল, তেতিয়া অপেনহাইমাৰে বিশ্বৰ প্ৰথম পাৰমাণৱিক বোমা প্ৰস্তুত কৰিছিল যিবোৰ জাপানৰ হিৰোচিমা আৰু নাগাছাকিত নিক্ষেপ কৰা হৈছিল । ইয়াৰ পিচত জাপানে আমেৰিকাৰ ওচৰত আত্মসমৰ্পণ কৰিছিল । অপেনহাইমাৰ ছবিখনত এই সমগ্ৰ দৃশ্যপট দেখুওৱা হৈছে ৷
অপেনহাইমাৰৰ চৰিত্ৰত অভিনয় কৰিছে চিলিয়ান মাৰ্ফীয়ে, যিয়ে ক্ৰীষ্টোফাৰ নোলানৰ ছবিত প্ৰথমবাৰৰ বাবে মুখ্য চৰিত্ৰ অভিনয় কৰিছে । ইয়াৰ পূৰ্বে ইনচেপচন, বেটমেন বিগিন্স, দ্য ডাৰ্ক নাইট, দ্য ডাৰ্ক নাইট ৰাইজ, ডানকাৰ্ক আদি ছবিত অভিনয় কৰা মাৰ্ফীয়ে নোলানৰ বহু চিনেমাৰ মূল ভেটি হিচাপে কাম কৰি আহিছে । ২০২৩ চনৰ ২১ জুলাইত মাৰ্গট ৰবিৰ বাৰ্বি ছবিখনৰ সৈতে মুক্তি লাভ কৰিছিল ছবিখন ।
বাৰ্বিৰ কথা ক’বলৈ গ’লে হলিউডৰ অভিনেতা মাৰ্গট ৰবিৰ ফেণ্টাচি কমেডী ছবিখনে ২০২৪ চনৰ ক্ৰিটিকছ চইছ এৱাৰ্ডছত শ্ৰেষ্ঠ কমেডী আৰু শ্ৰেষ্ঠ মৌলিক চিত্ৰনাট্যৰ বঁটা লাভ কৰিছে । এক্স একাউন্টত ক্ৰিটিক্স চইছ এৱাৰ্ডে এটা পোষ্ট শ্বেয়াৰ কৰি লিখিছে, "বাৰ্বি, বিজয়ীলৈ অভিনন্দন । BEST COMEDY ৰ বাবে #CriticsChoice Award ৰ সন্মান লাভ কৰিছে ।" ইয়াৰ উপৰিও বাৰ্বিয়ে শ্ৰেষ্ঠ মৌলিক চিত্ৰনাট্য আৰু শ্ৰেষ্ঠ সাজ-পোছাক ডিজাইন, শ্ৰেষ্ঠ প্ৰডাকচন ডিজাইনৰ বঁটাও লাভ কৰিছে ।
লগতে পঢ়ক:Oppenheimer: অপেনহাইমাৰক ভাৰতীয় নাগৰিকত্বৰ প্ৰস্তাৱ দিছিল নেহৰুৱে, কিন্তু কিয় অপেনহাইমাৰে নাকচ কৰিছিল এই প্ৰস্তাৱ ?
