চিটাৰা ডেস্ক, ২৮ ডিচেম্বৰ:গুটখা কোম্পানীৰ প্ৰচাৰ কৰি বিপদত পৰিল হৃত্বিক ৰোশন, টাইগাৰ শ্ৰফ আৰু ছলমান খান ৷ গুটখা কোম্পানীৰ প্ৰচাৰ কৰাৰ বাবে এই তিনি তাৰকালৈ প্ৰেৰণ কৰা হৈছে আইনী জাননী । কেৱল ইমানেই নহয়, প্ৰাক্তন ক্ৰিকেটাৰ কপিল দেৱ, সুনীল গাভাস্কাৰ আৰু বীৰেন্দ্ৰ ছেহৱাগলৈও আইনী জাননী প্ৰেৰণ কৰা হৈছে । আচলতে এই তাৰকা আৰু ক্ৰিকেটাৰসকলে গুটখা কোম্পানীক প্ৰচাৰ কৰে আৰু এই সন্দৰ্ভত লক্ষ্ণৌ উচ্চ ন্যায়ালয়ৰ অধিবক্তা মোটিলাল যাদৱে এই ৬ জনলৈ আইনী জাননী প্ৰেৰণ কৰিছে ।
শ্বাহৰুখ, অজয় আৰু অক্ষয়লৈও জাননী জাৰি কৰা হয়
কিছুদিন পূৰ্বে মোটিলাল যাদৱৰ আৱেদনত কেন্দ্ৰীয় চৰকাৰে লক্ষ্ণৌ উচ্চ ন্যায়ালয়ৰ নিৰ্দেশ মৰ্মে শ্বাহৰুখ খান, অজয় দেৱগন আৰু অক্ষয় কুমাৰলৈও জাননী জাৰি কৰিছিল ।
তাৰকাৰ বিৰুদ্ধে আবেদন দাখিল কৰা হ’ব
মতিলাল যাদৱে এই ৬ জনলৈ প্ৰেৰণ কৰা আইনী জাননীত স্পষ্টকৈ লিখা আছে যে ১৫ দিনৰ ভিতৰত এই গুটখা কোম্পানীসমূহৰ সৈতে কৰা বিজ্ঞাপনৰ চুক্তি বন্ধ কৰিব লাগিব এইসকল তাৰকাই । যদি তেওঁলোকে এই কাম নকৰে তেন্তে আদালতত চলি থকা গোচৰটোত এই লোকসকলৰ নামো কন্টেন্ট হিচাপে অন্তৰ্ভুক্ত কৰা হ’ব বা তেওঁলোকৰ সকলোৰে বিৰুদ্ধে নতুন পিআইএল দাখিল কৰা হ’ব ।
ইয়াৰ পূৰ্বে এলাহাবাদ উচ্চ ন্যায়ালয়ৰ লক্ষ্ণৌ বিচাৰপীঠে পান মছলা কোম্পানীৰ বিজ্ঞাপনৰ বিষয়ত শ্বাহৰুখ খান, অক্ষয় কুমাৰ আৰু অজয় দেৱগনক জাননী জাৰি কৰিছিল । কেন্দ্ৰীয় চৰকাৰৰ অধিবক্তাই এই অৱমাননা আৱেদন সন্দৰ্ভত এই আবেদন খাৰিজ কৰিবলৈ লক্ষ্ণৌ বিচাৰপীঠলৈও আবেদন জনাইছিল ।
৯ মে’ত হ’ব শুনানি
কেন্দ্ৰীয় চৰকাৰৰ অধিবক্তাই লক্ষ্ণৌৰ বিচাৰপীঠকো কয় যে উচ্চতম ন্যায়ালয়েও এই গোচৰৰ শুনানি গ্ৰহণ কৰি আছে । এই কাৰণে এই আবেদন নাকচ কৰা উচিত । ন্যায়াধীশ ৰাজেশ সিং চৌহানৰ একক বিচাৰপীঠে এই অৱমাননা আৱেদন গৃহীত কৰিছে । পৰৱৰ্তী শুনানি ২০২৪ চনৰ ৯ মে’ত অনুষ্ঠিত হ’ব ।
লগতে পঢ়ক:আল্লু অৰ্জুনৰ এটা সিদ্ধান্তই জিনিলে অনুৰাগীৰ হৃদয়, নাকচ কৰিলে সুৰা ব্ৰেণ্ডৰ কোটি টকীয়া বিজ্ঞাপন
