চিটাৰা ডেস্ক, ২০ ছেপ্টেম্বৰ: আৰম্ভ হৈছে এদিনীয়া বিশ্বকাপ ২০২৩ ৰ কাউণ্টডাউন। ৫ অক্টোবৰৰ পৰা ভাৰতত অনুষ্ঠিত হ’বলগীয়া এই খেলত ১০টা দলে অংশগ্ৰহণ কৰিব । ইয়াৰ মাজতে আজি দিনৰ ১২ বজাত আই চি চিৰ এদিনীয়া বিশ্বকাপ ২০২৩ৰ এনথেম গীত মুকলি কৰিছে ৷ গীতটিৰ নাম 'দিল জশ্ন বলে'।
এই গীতটি ৰচনা কৰিছে জনপ্ৰিয় সংগীত শিল্পী প্ৰীতমে । আইচিচিয়ে নিজৰ এক্স (পূৰ্বৰ টুইটাৰ) একাউণ্টত এই গীতটিৰ ভিডিঅ’ শ্বেয়াৰ কৰিছে। এই গীতটিত বলীউডৰ জনপ্ৰিয় অভিনেতা ৰণবীৰ সিং আৰু বলীউডৰ গায়ক প্ৰীতমে অভিনয় কৰা দেখা গৈছে ৷ ইফালে অনুৰাগীয়ে গীতটি পছন্দ কৰিছে ।
আইচিচিয়ে শ্বেয়াৰ কৰা এদিনীয়া বিশ্বকাপৰ এনথেম গীতৰ ভিডিঅ’টোত ৰণবীৰ সিঙে নীলা ৰঙৰ চাৰ্ট, মেৰুণ ৰঙৰ ব্লেজাৰ আৰু মেচিং টুপী পৰিধান কৰা দেখা গৈছে। ভিডিঅ’টোত ১০খন দেশৰ জাৰ্চি পৰিধান কৰা অনুৰাগীসকলক দেখা গৈছে ।
২০২৩ চনৰ এদিনীয়া বিশ্বকাপৰ বাবে মুকলি কৰা গীতটিত দেখা গৈছে যে অভিনেতা ৰণবীৰ সিঙৰ ৰে’লত প্ৰৱেশ, য’ত তেওঁ এটি শিশুক কোৱা দেখা গৈছে, বেটা, তুমি ফেন নহয় নেকি । ইয়াৰ পিছত শিশুটিয়ে কয় ফেন মানে কি ? ইয়াৰ পিচত ৰে’লৰ ভিতৰত আৰু ৰে’লৰ ওপৰত ৰণবীৰ সিঙে নৃত্য প্ৰদৰ্শন কৰে । অভিনেতাগৰাকীৰ লগতে কণ্ঠশিল্পী প্ৰীতমেও গীত গোৱাৰ সময়ত এক সুন্দৰ সময় পাৰ কৰা দেখা যায় । দিল জশ্ন-জশ্ন বলে.... গীতটি অনুৰাগীয়ে বহুত ভাল পাইছে।
ভিডিঅ’টোত সংগীতজ্ঞ প্ৰীতমেও ৰে’লৰ চাদত গীটাৰ বজাই থকা দেখা গৈছে । ইয়াৰ উপৰিও কমেন্টেটৰ যতীন সপ্ৰুকো ভিডিঅ’টোত দেখা গৈছে।