চিটাৰা ডেস্ক, 30 আগষ্ট : 2022 চনৰ 94 সংখ্যক অস্কাৰ বঁটা প্ৰদান অনুষ্ঠানত হলীউডৰ বিখ্যাত তাৰকা উইল স্মিথে মঞ্চত আয়োজক ক্ৰিছ ৰকক শোধাইছিল এটা পূৰ্ণহতীয়া চৰ ৷ এলোপেচিয়াত আক্ৰান্ত হৈ তপা হৈ পৰা উইলৰ পত্নী জাডা পিঙ্কেট স্মিথকলৈ কৌতুক কৰিছিল কমেডিয়ানজনে ৷ তেতিয়াই সংঘটিত হৈছিল এই অনাকাংক্ষিত ঘটনাটো ৷
সমগ্ৰ বিশ্বতে তোলপাৰ লগাইছিল এই ঘটনাটোৱে ৷ এতিয়া খবৰ আহিছে যে এইবাৰ ক্ৰিছ ৰকে 2023 বৰ্ষৰ অস্কাৰ হ’ষ্ট কৰিবলৈ অমান্তি প্ৰকাশ কৰিছে (Chris Rock latest updates) ৷ ক্ৰিছ ৰকে জানিবলৈ দিছে যে 2023 চনৰ অস্কাৰ বঁটা প্ৰদান অনুষ্ঠান হ’ষ্ট কৰিবলৈ তেওঁ প্ৰস্তাৱ লাভ কৰিছিল যদিও তেওঁ এই প্ৰস্তাৱ অস্বীকাৰ কৰে (Chris Rock declines offer to host Oscars 2023 ) ।
94 সংখ্যক অস্কাৰ 2022 বঁটা প্ৰদান অনুষ্ঠানত আয়োজক ক্ৰিছ ৰকক চৰ মাৰি আত্মগ্লানিত ভোগা বিখ্যাত অভিনেতা উইল স্মিথে অস্কাৰ বঁটা প্ৰদানকাৰী সংস্থাৰ পৰা পদত্যাগ কৰে । যি সময়ত একাডেমীয়ে তেওঁৰ বিৰুদ্ধে অনুশাসনমূলক ব্যৱস্থা গ্ৰহণ কৰিবলৈ ওলাইছিল, সেই সময়তে তেওঁ পদত্যাগ পত্ৰ দাখিল কৰিছিল । একাডেমীয়ে উইল স্মিথৰ পদত্যাগ গ্ৰহণ কৰিছে ।