চিটাৰা ডেস্ক, 4 মে’: চাউথৰ ছুপাৰষ্টাৰ চিৰঞ্জীৱীৰ অনুৰাগী সমগ্ৰ বিশ্বতে আছে ৷ টলিউডৰ অন্যতম ডাঙৰ তাৰকা চিৰঞ্জীৱী । এনে পৰিস্থিতিত শেহতীয়াকৈ ছুপাৰষ্টাৰগৰাকীৰ স্বাস্থ্যৰ সন্দৰ্ভত এটা বাতৰি প্ৰচাৰ হৈছিল ৷ ইয়াৰ পিচতে অনুৰাগীসকলে তেওঁৰ স্বাস্থ্যক লৈ চিন্তিত হৈ পৰে ৷ আচলতে অভিনেতাগৰাকী কৰ্কট ৰোগত আক্ৰান্ত বুলি এটা বাতৰি প্ৰচাৰ হৈছিল ৷ কিন্তু এয়া আচলতে ভুৱা বাতৰিহে ৷ এই খবৰৰ কোনো সত্য সত্যতা নাই ৷ এই কথা খোদ ছুপাৰষ্টাৰগৰাকীয়ে স্পষ্ট কৰিছে ৷
শেহতীয়াকৈ অনুৰাগীসকলক চিন্তিত হোৱা দেখি চিৰঞ্জীৱীয়ে এই ক্ষেত্ৰত নিজৰ প্ৰতিক্ৰিয়া প্ৰকাশ কৰে ৷ অভিনেতাজনে এই বাতৰিটো ভুৱা বুলি অভিহিত কৰে ৷ তেওঁ কয় যে তেওঁৰ কেতিয়াও কৰ্কট ৰোগত আক্ৰান্ত হোৱা নাছিল । নিয়মীয়া ৰুটিন চেকআপৰ বাবে হে চিকিৎসকৰ ওচৰলৈ গৈছিল । তেওঁ কয় যে তেওঁৰ নন-কেন্সাৰ পলিপ ধৰা পৰিছে, যিটো পৰীক্ষা কৰা হৈছে, যদিহে পৰীক্ষা কৰা নহ’লহেঁতেন তেন্তে ই বিপজ্জনক হ’ব পাৰিলেহেঁতেন । তেওঁ ক’লে যে তেওঁৰ স্বাস্থ্য এতিয়া একেবাৰে সুস্থ ।
অভিনেতাগৰাকীৰ টুইট
শেহতীয়াকৈ অভিনেতাগৰাকীয়ে টুইটাৰত তেলুগু ভাষাত তেওঁৰ কৰ্কট ৰোগৰ ভুৱা বাতৰিৰ বিষয়ে পোষ্ট কৰিছিল (Chiranjeevi Reveals His Health Issue) । তেওঁ লিখিছে,‘‘কিছু সময় পূৰ্বে এটা কেন্সাৰ চেণ্টাৰ উদ্বোধন কৰাৰ সময়ত মই কেন্সাৰ সম্পৰ্কে সজাগতা বৃদ্ধিৰ প্ৰয়োজনীয়তাৰ কথা কৈছিলো । মই আপোনালোকক কৈছিলো যে নিয়মীয়াকৈ কেন্সাৰ পৰীক্ষা কৰিলে সময়মতে কেন্সাৰ ধৰা পৰিব আৰু সময় মতে উপযুক্ত চিকিৎসা লাভ কৰিব ৷ ’’