চিটাৰা ডেস্ক, 8 মাৰ্চ: আজি আন্তঃৰাষ্ট্ৰীয় নাৰী দিৱস (International Womens Day) ৷ প্ৰতি বছৰৰ ৮ মাৰ্চত গোটেই বিশ্বজুৰি পালন কৰা হয় আন্তঃৰাষ্ট্ৰীয় নাৰী দিৱস (Happy International Womens Day)। বিশ্বব্যাপী নাৰীসকলক প্ৰাধান্য দিয়াৰ উদ্দেশ্য পালন কৰা হয় এই নাৰী দিৱস ৷
লিংগ সমতাৰ বাৰ্তা প্ৰচাৰৰ বাবে সমগ্ৰ বিশ্বতে আন্তঃৰাষ্ট্ৰীয় নাৰী দিৱস পালন কৰা হয় । সেয়াহে মহিলা সৱলীকৰণৰ ক্ষেত্ৰত নিৰ্মাণ হৈছে বহুকেইখন ছবিও ৷ ৰূপালী পৰ্দাত মহিলাৰ শক্তিক চিত্ৰিত কৰা আৰু মহিলা সৱলীকৰণক দৰ্শোৱা কেইখন জনপ্ৰিয় বলীউড ছবিৰ ওপৰত তৈয়াৰ কৰা হৈছে আজিৰ এই প্ৰতিবেদন ৷ 2023 চনৰ মহিলা আন্তঃৰাষ্ট্ৰীয় দিৱসত চাওক এইকেইখন ছবি (Womens Day special films) ।
1)গংগুবাই কাথিয়াৱাড়ী (Gangubai Kathiawadi)
গংগুবাই কাথিয়াৱাড়ী ছবিখনৰ মুখ্য চৰিত্ৰত অভিনয় কৰিছে অভিনেত্ৰী আলিয়া ভাটে ৷ সত্য ঘটনাৰ ওপৰত আধাৰত নিৰ্মিত এই ছবিখনত এগৰাকী সাধাৰণ যুৱতীৰ পৰা কিদৰে এগৰাকী শক্তিশালী মাফিয়া কুইন ৰূপে নিজকে প্ৰতিষ্ঠা কৰিছিল গংগুৱে তাকে দৰ্শোৱা হৈছে ৷
2)কাহিনী (Kahaani)
কাহানী ছবিখনৰ মুখ্য ভূমিকাত অভিনয় কৰিছে বিদ্যা বালনে ৷ এই ছবিখনত এগৰাকী গৰ্ভৱতী মহিলাই নিৰুদ্দেশ হোৱা স্বামীৰ সন্ধানত অকলেই নামি পৰে । সাত মাহৰ গৰ্ভৱতী বিদ্যা বালনে লণ্ডনৰ পৰা কলকাতাত উপস্থিত হৈ স্বামী অৰ্ণব বাগচী নিৰুদ্দেশ হোৱা খবৰ লাভ কৰে । সকলোৱে বিদ্যাৰ স্বামী আৰু নাই বুলি বিদ্যাক কৈছিল যদিও তাই মানি ল’ব পৰা নাছিল ৷ যদিও লাহে লাহে বুজি পাইছিল যে তাই দেখাৰ দৰে নহয় পৃথিৱীখন সম্পূৰ্ণ বেলেগ ৷