Cannes 2022: নৈশ ভোজনত অংশ ল’লে বিচাৰক দীপিকা পাডুকনে

কান চলচিত্ৰ মহোৎসৱত দীপিকা পাডুকনৰ প্ৰথম আনুষ্ঠানিক উপস্থিতিৰ ফটো আৰু ভিডিঅ' ছ’চিয়েল মিডিয়াত ভাইৰেল হৈ পৰিছে (Deepika Padukone in Cannes 2022) ৷ ভাইৰেল ফটো আৰু ভিডিঅ' সমূহ হোটেল মাৰ্টিনেজত কান মহোৎসৱৰ বিচাৰক সকলৰ বাবে অনুষ্ঠিত কৰা নৈশ ভোজনৰ ৷

চিটাৰা ডেস্ক, 17 মে’: বলীউডৰ মোহময়ী অভিনেত্ৰী দীপিকা পাডুকনে এই বছৰ সন্মানীয় কান চলচ্চিত্ৰ মহোৎসৱত বিচাৰক হিচাপে অংশ লৈ ভাৰতক প্ৰতিনিধিত্ব কৰিবলৈ আগবাঢ়িছে । কানৰ জুৰী সদস্য হিচাপে দীপিকাৰ প্ৰথম উপস্থিতিৰ এটা ভিডিঅ' ছ’চিয়েল মিডিয়াত এতিয়া ভাইৰেল হৈ পৰিছে (Deepika Padukone in Cannes 2022)।

দীপিকাই সোমবাৰে কান ২০২২ ৰ জুৰী সদস্যসকলৰ বাবে অনুষ্ঠিত কৰা নৈশ ভোজনত অংশ লৈছিল ৷ হোটেল মাৰ্টিনেজত অনুষ্ঠিত কৰা হৈছিল এই নৈশ ভোজ (Cannes 2022 Deepika as jury member) । অন্য সদস্যসকলৰ সৈতে দীপিকাৰ ফটো আৰু ভিডিঅ' ছ’চিয়েল মিডিয়াত ভাইৰেল হৈ পৰিছে ।

সোমবাৰে দীপিকাই তেওঁৰ ইনষ্টাগ্ৰাম হেণ্ডেলত এটা ভিডিঅ' ক্লিপ শ্বেয়াৰ কৰে য'ত তেওঁ তেওঁৰ অনুৰাগীসকলক কান মহোৎসৱলৈ অহাৰ বিষয়ে অৱগত কৰে (Deepika Padukone instagram)।

ভিডিঅ' ক্লিপটোত দীপিকাক এটা ডেনিম ক্ৰপ জেকেট পিন্ধা দেখা গ’ল । ভিডিঅ'টোৰ জৰিয়তে দীপিকাই তেওঁৰ কান যাত্ৰাৰ এক আভাস ষ্টাইলত অনুৰাগীৰ সন্মুখত দাঙি ধৰিছে । দীপিকাই শ্বেয়াৰ কৰিছিল যে তেওঁ 11 ঘণ্টাৰ বিমান যাত্ৰাটোত বেছিভাগ সময় শুইহে আহিছিল ।

ভিডিঅ'টোৰ শেষত 36 বছৰীয়া তাৰকা গৰাকীক তেওঁ পৰৱৰ্তী সময়ত কি কৰিব লাগে - খাব লাগে নে শুব লাগে সেই বিষয়ে দোধোৰমোধোৰত পৰা দেখা গ’ল । অৱশ্য়ে শেষত তেওঁ মন্তব্য কৰে যে খোৱাটো সদায় এটা ভাল পৰিকল্পনা ৷ কৰ্মক্ষেত্ৰৰ কথা ক’বলৈ গ’লে দীপিকাৰ হাতত প্ৰজেক্ট কে শীৰ্ষক ব্যয়বহুল ছবি এখন আছে ৷