বিবাহৰ বাবে আজি উদয়পুৰত উপস্থিত হ’ব পৰিণীতি চোপ্ৰা আৰু ৰাঘৱ চাড্ডা চিটাৰা ডেস্ক, ২২ ছেপ্টেম্বৰ: শুকুৰবাৰে উদয়পুৰত উপস্থিত হৈছে বলীউডৰ অভিনেত্ৰী পৰিণীতি চোপ্ৰা আৰু আপ নেতা ৰাঘৱ চাড্ডা । আজি পুৱা দিল্লীৰ ইন্দিৰা গান্ধী আন্তঃৰাষ্ট্ৰীয় বিমানবন্দৰৰ পৰা উদয়পুৰলৈ ৰাওনা হৈছিল পৰিণীতি আৰু ৰাঘৱ । ইফালে উদয়পুৰত দুয়োৰে সৈতে দুয়োগৰাকীৰ পৰিয়ালৰ লোকো উপস্থিত থাকিব । অৱশ্যে পৰিণীতি আৰু ৰাঘৱ দুয়োগৰাকী দুখন ভিন্ন ভিন্ন হোটেলত থাকিব ৷ পৰিণীতি উদয়পুৰৰ সুন্দৰ লীলা প্ৰাসাদত থকাৰ বিপৰীতে ৰাঘৱ আৰু তেওঁৰ পৰিয়াল উদয়পুৰৰ মাজমজিয়াত অৱস্থিত তাজ লেক প্ৰাসাদত থাকিব ।
উল্লেখনীয় যে দেশৰ চাৰিখন ৰাজ্যৰ মুখ্যমন্ত্ৰীসকলো অতিথি হিচাপে উপস্থিত থাকিব এই ৰাজকীয় বিয়াত । এই ৰাজকীয় বিয়াৰ প্ৰস্তুতি প্ৰায় সম্পূৰ্ণ হৈছে। উদয়পুৰৰ লীলা প্ৰাসাদ ভিতৰৰ পৰা অতি সুন্দৰকৈ সজাই পৰাই তোলা হৈছে । যাৰ বাবে ইয়াৰ সৌন্দৰ্য আৰু অধিক বাঢ়ি গৈছে ।
উদয়পুৰ বিমানবন্দৰত উপস্থিত হ’ল পৰিণীতি আৰু ৰাঘৱ
আজি উদয়পুৰত উপস্থিত হ’ল বলীউডৰ অভিনেত্ৰী পৰিণীতি চোপ্ৰা আৰু আম আদমী পাৰ্টিৰ সাংসদ ৰাঘৱ চাড্ডা । য’ত দুয়োকে আদৰণি জনোৱা হ’ল ডাবক বিমানবন্দৰত । ইয়াৰ পৰাই দুয়ো উদয়পুৰৰ মহাৰাণা প্ৰতাপ ডাবক বিমানবন্দৰৰ পৰা পিচোলা হ্ৰদত উপস্থিত হ’ব । য’ত দুয়োগৰাকীয়ে নাওঁৰ জৰিয়তে নিজ নিজ হোটেলত উপস্থিত হ’ব । জানিব পৰা মতে পৰিণীতি চোপ্ৰাৰ ভগ্নী প্ৰিয়ংকা চোপ্ৰাও অহা ২৩ ছেপ্টেম্বৰত ৰাজকীয় বিয়াত অংশগ্ৰহণ কৰিবলৈ ভাৰতত উপস্থিত হ’ব ৷
কোন চাৰিখন ৰাজ্যৰ মুখ্যমন্ত্ৰী উপস্থিত থাকিব এই বিবাহত ?
এতিয়ালৈকে পোৱা তথ্য অনুসৰি এই ৰাজকীয় বিয়াত অংশগ্ৰহণ কৰিব চাৰিখন ৰাজ্যৰ মুখ্যমন্ত্ৰী । য’ত দিল্লীৰ মুখ্যমন্ত্ৰী অৰবিন্দ কেজৰিৱালে পত্নী আৰু সন্তানৰ সৈতে অংশগ্ৰহণ কৰিব । পঞ্জাৱৰ মুখ্যমন্ত্ৰী ভগৱন্ত মানো উপস্থিত হ’ব পত্নীৰ সৈতে । ২৪ ছেপ্টেম্বৰত ৰাজস্থানৰ মুখ্যমন্ত্ৰী অশোক গেহলট উদয়পুৰলৈ আহিব য’ত তেওঁ এক অনুষ্ঠানত অংশগ্ৰহণ কৰাৰ পাচত বিবাহ অনুষ্ঠানত অংশগ্ৰহণ কৰিব ।
জানিব পৰা মতে ছত্তীশগড়ৰ মুখ্যমন্ত্ৰী ভূপেশ বাঘেলেও এই ৰাজকীয় বিয়াত অংশগ্ৰহণ কৰিব ৷ ইয়াৰ উপৰিও দেশৰ বিভিন্ন প্ৰান্তৰ পৰা ২০০ গৰাকী অতিথিয়ে এই বিবাহ অনুষ্ঠানত অংশগ্ৰহণ কৰিব । য’ত বহু পৰিচিত ৰাজনীতিবিদ, উদ্যোগপতি আৰু বহু বলীউডৰ চেলিব্ৰিটিকো অন্তৰ্ভুক্ত কৰা হ’ব । ইয়াৰ বাবে ৫০ খনতকৈও অধিক বিলাসী বাহনকে ধৰি ১২০ খনতকৈও অধিক বিলাসী টেক্সি বুকিং কৰা হৈছে ।
ৰাজস্থানী গীতেৰে জনোৱা হ’ব আদৰণি
পঞ্জাৱী ৰীতি-নীতি অনুসৰি ২৪ ছেপ্টেম্বৰ অৰ্থাৎ দেওবাৰে ৰাজকীয় শৈলীত বিবাহপাশত আবদ্ধ হ’ব পৰিণীতি আৰু ৰাঘৱ । পৰিণীতি আৰু ৰাঘৱে নিজৰ দিনটো বিশেষ কৰি তুলিবলৈ যৎপৰোনাস্তি চেষ্টা কৰিছে । সেয়ে বিয়াৰ বাবে উদয়পুৰৰ ‘দ্য লীলা পেলেচ’ বুক কৰিছে । এই পেলেচটো কোনো ৰাজপ্ৰসাদতকৈও কম নহয় । এই ভিআইপি বিয়াখনৰ সন্দৰ্ভত হোটেল পৰিচালনা সমিতিও সতৰ্ক হৈ আছে । ৰাজকীয় বিবাহৰ বাবে বিশেষ নিৰাপত্তাৰ ব্যৱস্থা কৰা হৈছে । দিল্লীৰ এটা কোম্পানীয়ে এই অনুষ্ঠানৰ সৈতে জড়িত কাম চোৱাচিতা কৰি আছে । হোটেলৰ কৰ্মচাৰীৰ পৰাও যাতে একো লিক নহয় তাৰ বাবে বিশেষ সাৱধানতা অৱলম্বন কৰা হৈছে । আগন্তুক ২ দিনলৈ কোনো কাৰণতে হোটেলৰ ভিতৰত স্মাৰ্টফোন কঢ়িয়াই নিয়াত নিষেধাজ্ঞা আৰোপ কৰিছে কৰ্মচাৰীসকলক ।
বিবাহৰ বাবে আজি উদয়পুৰত উপস্থিত হ’ব পৰিণীতি চোপ্ৰা আৰু ৰাঘৱ চাড্ডা
অতিথিসকলক ৰাজকীয় ভাৱে জনোৱা হ’ব আদৰণি
এই ৰাজকীয় বিয়ালৈ অহা অতিথিসকলকো বিশেষ ধৰণে আদৰণি জনোৱা হ’ব । ৰজাৰ ৰাজ্যত অতিথিক আদৰণি জনোৱাৰ এক বিশেষ পৰম্পৰা আছে। ৰাঘৱ-পৰিণীতিৰ বিয়াত অতিথিক আদৰিবলৈ ভাৰতৰ ২-৩খন দেশৰ পৰা বিশেষ ফুলৰ অৰ্ডাৰ দিয়া হৈছে। বিয়াত উপস্থিত হোৱা অতিথিসকলক গায়ন-বায়ন আৰু ফুলৰ বৰষুণেৰে আদৰণি জনোৱা হ’ব । আনকি অতিথিসকলক আদৰিবলৈ ৰাজস্থানী গীতো গোলা হ’ব ।
ৰাজ নাওখন সজোৱা হৈছিলঃ ২৪ ছেপ্টেম্বৰত উদয়পুৰৰ ধুনীয়া পিচোলা হ্ৰদত অৱস্থিত তাজ লেক পেলেচৰ পৰা ৰাঘৱে বিবাহ শোভাযাত্ৰা এৰি কইনাক লৈ যাব। এই সময়ছোৱাত ৰাঘৱে ৰাজ নাওত উঠিব। বিশেষ সাজ-পোছাক পৰিধান কৰিও বিবাহৰ অতিথিসকলক দেখা যাব। সেইবাবেই ৰজাৰ নাওখনো কইনাৰ দৰে সজাই তোলা হৈছে। এই সময়ছোৱাত এই সুন্দৰ দৃশ্যটো ছবিৰ দৃশ্যৰ দৰে দেখা যাব।
বিবাহৰ বাবে আজি উদয়পুৰত উপস্থিত হ’ব পৰিণীতি চোপ্ৰা আৰু ৰাঘৱ চাড্ডা
পৰিণীতি চোপ্ৰা আৰু ৰাঘৱ চাড্ডাৰ বিয়াৰ সময়সূচী
২৩ ছেপ্টেম্বৰৰ পুৱা ১০ বজাত পৰিণীতি চোপ্ৰাৰ চুড়া অনুষ্ঠান অনুষ্ঠিত হ’ব । ২৪ ছেপ্টেম্বৰৰ দিনৰ ১ বজাত তাজ লেক পেলেচত ৰাঘৱ চাড্ডাৰ চেহেৰা বন্ধা হ’ব ৷ বিয়লি ২ বজাত তাজ লেক পেলেচৰ পৰা আৰম্ভ হ’ব বৰযাত্ৰীৰ যাত্ৰা, বিয়লি ৩:৩০ বজাত লীলা পেলেচত অনুষ্ঠিত হ’ব জয়মলা । সন্ধিয়া ৪ বজাত অনুষ্ঠিত হ’ব বিবাহৰ ৰীতি-নীতি আৰু তাৰ পিচত সন্ধিয়া ৬:৩০ বজাত পৰিণীতি চোপ্ৰাৰ বিদায় অনুষ্ঠান অনুষ্ঠিত হ’ব । ২৪ ছেপ্টেম্বৰৰ নিশা ৮:৩০ বজাত এক অভ্যৰ্থনা অনুষ্ঠানৰ আয়োজন কৰা হৈছে । ইয়াৰ পিছত ৩০ ছেপ্টেম্বৰত চণ্ডীগড়ৰ হোটেল তাজত আন এক অভ্যৰ্থনা অনুষ্ঠানৰো আয়োজন কৰা হৈছে ।
বিবাহৰ বাবে আজি উদয়পুৰত উপস্থিত হ’ব পৰিণীতি চোপ্ৰা আৰু ৰাঘৱ চাড্ডা
নিৰাপত্তাৰ ব্যৱস্থা হ’ব কটকটীয়া
ৰাজকীয় বিবাহৰ বাবে বিশেষ নিৰাপত্তাৰ ব্যৱস্থা কৰা হৈছে । উদয়পুৰৰ পিচোলা হ্ৰদতো নিৰাপত্তাৰক্ষী নিয়োগ কৰা হ’ব । আনহাতে, ভিআইপি লোকৰ প্ৰতি লক্ষ্য ৰাখি ৰাজস্থান আৰক্ষীও সতৰ্ক হৈ থাকিব । ইয়াৰ উপৰিও হ্ৰদ আৰু হোটেলৰ আশে-পাশে ব্যক্তিগত প্ৰহৰীও নিয়োগ কৰা হ’ব । কোৱা হৈছে যে পিচোলা হ্ৰদৰ চাৰিওফালে নাৱৰ জৰিয়তেও নিৰাপত্তাৰ যত্ন ল’ব প্ৰহৰীয়ে । একে সময়তে ৰাজকীয় বিয়াৰ সময়ত হোটেলৰ পৰা কিবা অৰ্ডাৰ ল’ব লগা হ’লে তাৰ বাবেও বিশেষ ব্যৱস্থা কৰা হৈছে । বিশেষকৈ হোটেলৰ কৰ্মচাৰী আৰু তাত থকা কৰ্মচাৰীসকলক বিয়াৰ সময়ত মোবাইল ফোন ব্যৱহাৰ নকৰিবলৈ নিৰ্দেশ দিয়া হৈছে । এই হোটেলসমূহত প্ৰৱেশৰ বাবেও জাৰি কৰা হৈছে বাৰক’ড । হোটেলখনত প্ৰৱেশৰ অনুমতি স্কেন কৰাৰ পিচতহে দিয়া হ’ব ৷ তিনিবাৰ চেক কৰাৰ পিচত এণ্ট্ৰি দিয়া হ’ব সকলোকে ।
লগতে পঢ়ক:Parineeti-Raghav wedding: পৰিণীতি চোপ্ৰাৰ মুম্বাইৰ বাসগৃহত অত্যাধুনিক আলোকসজ্জা, কেতিয়া হ’ব বিয়া ?
