চিটাৰা ডেস্ক, 8 ডিচেম্বৰ :হিন্দী চিনেমাৰ প্ৰবীণ অভিনেতা ধৰ্মেন্দ্ৰই 8 ডিচেম্বৰত উদযাপন কৰিছে 87 সংখ্যক জন্মদিন । এই বিশেষ দিনটোত অনুৰাগী আৰু বলীউড তাৰকাসকলে দীৰ্ঘায়ু কামনা কৰি তেওঁক শুভেচ্ছা জনাইছে (Dharmendra age) । ধৰ্মেন্দ্ৰই দেউল পৰিয়ালৰ পৰাও লাভ কৰিছে যথেষ্ট মৰম । ধৰ্মেন্দ্ৰৰ কনিষ্ঠ পুত্ৰ ববী দেউল আৰু জ্যেষ্ঠ নাতি কৰণ দেউলে তেওঁক জন্মদিনৰ শুভেচ্ছা জনাইছে ।
ববী দেউলে তেওঁৰ 87 সংখ্যক জন্মদিনত এটা পোষ্ট শ্বেয়াৰ কৰিছে । এই পোষ্টটোত ববী দেউল আৰু কৰণ দেউলক ধৰ্মেন্দ্ৰৰ কাষত বহি থকা দেখা গৈছে । এই অভিনন্দন পোষ্টটো শ্বেয়াৰ কৰি ববী দেউলে লিখিছে, ‘আপোনাৰ ল’ৰা আৰু নাতি হোৱাৰ বাবে নিজকে অতি সৌভাগ্যৱান অনুভৱ কৰো, জন্মদিনৰ শুভেচ্ছা বড়ে পাপা @aapkadharam ❤️❤️।
ববীৰ এই অভিনন্দন পোষ্টত বলীউডৰ চেলেব্ৰিটীসকলে ধৰ্মেন্দ্ৰক জন্মদিনৰ শুভেচ্ছা জনাইছে । ‘টাৰ্জান দ্য ৱাণ্ডাৰ কাৰ’ ছবিখনৰ অভিনেতা ভৎসল শেঠে লিখিছে, ‘হেপ্পী বাৰ্থডে টু ইউ’। ববী দেউলৰ সৈতে ‘আশ্ৰম’ ধাৰাবাহিকখনৰ দুয়োটা খণ্ডতে অভিনয় কৰা অভিনেতা ৰয় ছানয়ালে লিখিছে, ‘কিংবদন্তিলৈ জন্মদিনৰ শুভেচ্ছা’ ।