চিটাৰা ডেস্ক, 1 অক্টোবৰ: শেহতীয়াকৈ নতুন দিল্লীৰ কংগ্ৰেছৰ কাৰ্যালয়ৰ বাহিৰত ‘বিগ বছ ১৬’ৰ প্ৰতিযোগী অৰ্চনা গৌতম আৰু তেওঁৰ পিতৃক আক্ৰমণৰ কৰাৰ অভিযোগ উত্থাপন হৈছিল । এতিয়া এক সাক্ষাৎকাৰত প্ৰাক্তন অভিনেত্ৰীগৰাকীয়ে এই সন্দৰ্ভত মুখ খুলিছে ৷ অৰ্চনাই সাক্ষাৎকাৰত কয় যে এই ঘটনাত তেওঁৰ পিতৃ গুৰুতৰভাৱে আহত হৈছে । অৰ্চনাই এনে আচৰণক পথত ধৰ্ষণৰ সৈতে তুলনা কৰিছে ।
অভিনেত্ৰীৰ পৰা ৰাজনীতিবিদলৈ পৰিণত হোৱা ‘বিগ বছ ১৬’ খ্যাতিৰ প্ৰতিযোগী অৰ্চনা গৌতম আৰু তেওঁৰ পিতৃক দিল্লীৰ কংগ্ৰেছ কাৰ্যালয়ৰ বাহিৰত প্ৰহাৰ কৰা হৈছিল । এই আক্ৰমণৰ পিচত অভিনেত্ৰীগৰাকীৰ এটা সাক্ষাৎকাৰ পোহৰলৈ আহিছে, য’ত তেওঁ কংগ্ৰেছৰ কাৰ্যালয়ৰ বাহিৰত তেওঁৰ সৈতে হোৱা অসৎ আচৰণৰ বিষয়ে মুকলিকৈ কয় । অৰ্চনাই সাক্ষাৎকাৰত কয়, ‘‘তেওঁলোকে আমাক গেটৰ ভিতৰত সোমাবলৈ নিদিলে আৰু গেটখনো খোলা নাছিল । আমাক কোৱা হৈছিল ওপৰৰ পৰা অৰ্ডাৰ আছে, আপোনাৰ প্ৰৱেশত নিষেধ কৰা হৈছে । ইয়াৰ আঁৰৰ কাৰণ মই নাজানো ।’’
সাক্ষাৎকাৰত অৰ্চনাই কংগ্ৰেছৰ কাৰ্যালয়লৈ কিয় গৈছিল সেই কথাও উল্লেখ কৰে ৷ এই কথা উল্লেখ কৰি অৰ্চনাই ক’লে, ‘মই মাত্ৰ অভিনন্দন জনাবলৈ গৈছিলোঁ । মই ভাবিলোঁ যে বিগ বছ শেষ হোৱাৰ পিচত তাত মোক গ্ৰেণ্ড ৱেলকাম কৰিব, কাৰণ শ্ব’ শেষ হোৱাৰ পিচত মই এবাৰো তাত যোৱা নাছিলোঁ । মোৰ লগত অসৎ আচৰণ কৰা সমূহৰ ভিতৰত কিছুমান মহিলাও আছিল । আমাৰ সৈতে হোৱা অসৎ আচৰণত তেওঁলোকে কিয় সহানুভূতি নেদেখুৱালে মই আচৰিত হৈছো এই কথাত ।