War 2 : পূৰ্বৰ পৰিচালকে পৰিচালনা নকৰে ৱাৰ ২, কোন হ’ব ছবিখনৰ নতুন পৰিচালক ?

পাঠানৰ দৰে মেগা ব্লকবাষ্টাৰ ছবি নিৰ্মাণ কৰা পৰিচালক সিদ্ধাৰ্থ আনন্দৰ হাতৰ পৰা কাঢ়ি লোৱা হৈছে ৱাৰ-২ৰ দায়িত্ব ৷ তেন্তে কোনো পৰিচালনা কৰিব ৱাৰ 2 জানি লওক এই প্ৰতিবেদনত (War 2) ৷

চিটাৰা ডেস্ক, 4 এপ্ৰিল: বলীউডৰ সুপৰিচিত তথা যুৱ পৰিচালক অয়ান মুখাৰ্জীৰ সন্দৰ্ভত লাভ কৰা হৈছে এক ডাঙৰ খবৰ ৷ অয়ানে ৪ এপ্ৰিলত (মঙলবাৰে) তেওঁৰ সপোনৰ প্ৰজেক্ট ‘ব্ৰহ্মাষ্ট্ৰ পাৰ্ট ২ এণ্ড ৩’ৰ মুক্তিৰ তাৰিখ প্ৰকাশ কৰিছিল আৰু সম্প্ৰতি বি-টাউনৰ পৰা অয়ান মুখাৰ্জীৰ বিষয়ে আন এক ডাঙৰ খবৰ পোৱা গৈছে । হৃতিক ৰোশন আৰু টাইগাৰ শ্ৰফৰ অভিনীত ছবি ‘ৱাৰ’ৰ দ্বিতীয় খণ্ডৰ প্ৰস্তুতি পূৰ্ণগতিত চলি আছে ৷ যদিও ডাঙৰ খবৰটো হ’ল যে, ৱাৰ পাৰ্ট 2 ছবিখন সিদ্ধাৰ্থ আনন্দৰ পৰিৱৰ্তে পৰিচালনা কৰিব অয়ান মুখাৰ্জীয়ে । ৱাৰৰ পৰিচালনা কৰিছিল পাঠান ছবিৰ পৰিচালক সিদ্ধাৰ্থ আনন্দই আৰু বৰ্তমান এই দায়িত্ব সিদ্ধাৰ্থ আনন্দৰ পৰা কাঢ়ি লোৱা হৈছে (Ayan Mukerji to direct war 2) ।

ৱাৰ 2 ত হৃতিক ৰোশনৰ প্ৰৱেশ নিশ্চিত

নিজৰ ইনষ্টাগ্ৰাম পোষ্টত তথ্য দি ট্ৰেড এনালাইষ্ট তৰণ আদৰ্শে লিখিছে, ‘আদিত্য চোপ্ৰাক অয়ান মুখাৰ্জী ৱাৰ ২ৰ বাবে চুক্তিবদ্ধ কৰা হৈছে, হৃত্বিক ৰোশনৰ প্ৰৱেশো নিশ্চিত কৰা হৈছে ছবিখনত, ৱাৰ ২ হৈছে যশ ৰাজ স্পাই ইউনিভাৰ্ছৰ সপ্তমখন ছবি (Ayan Mukerji to direct hrithik roshan war 2)।

ৱাৰৰ বক্স অফিচ সংগ্ৰহ ?

সিদ্ধাৰ্থ আনন্দৰ পৰিচালনাত নিৰ্মিত ‘ৱাৰ’ ছবিখনে বক্স অফিচত এক আলোড়নৰ সৃষ্টি কৰিছিল । ছবিখনে বিশ্বব্যাপী ৪৭৫ কোটি টকাৰ ব্যৱসায় কৰিছিল । একে সময়তে বক্স অফিচত ছবিখনৰ জীৱনজোৰা সংগ্ৰহ আছিল ৩১৮ কোটি টকা।

ৱাৰ 2 কিয় সিদ্ধাৰ্থৰ পৰা কাঢ়ি লোৱা হ’ল ?

‘পাঠান’ৰ পিচত সিদ্ধাৰ্থ আনন্দৰ সফলতাৰ হাৰ বাঢ়িছে (Hrithik Roshan war 2 )। বৰ্তমান সিদ্ধাৰ্থ আনন্দ হৃত্বিক ৰোশন আৰু দীপিকা পাডুকনৰ সৈতে ফাইটাৰত ছবিত ব্যস্ত । ছবিখন মুক্তি লাভ কৰিব ২০২৩ চনৰ ২৬ জানুৱাৰীত । হয়তো আদিত্য চোপ্ৰাই এই ছবিখনত সম্পূৰ্ণৰূপে প্ৰাণ ঢালিবলৈ সিদ্ধাৰ্থৰ পৰা ৱাৰ ২ৰ দায়িত্ব কাঢ়ি লৈছে । ইফালে অয়ানে প্ৰথমবাৰৰ বাবে একচন ছবি পৰিচালনা কৰিব ।

লগতে পঢ়ক:Bholaa box office: অজয় দেৱগণৰ ছবি ভোলাৰ চতুৰ্থ দিনৰ বক্স অফিচৰ সংগ্ৰহ কিমান ?