Amitabh Bachchan: বিগ বিৰ এটা পোষ্টে সৃষ্টি কৰিছে চাঞ্চল্য, নেটিজেনে ক’ল- যদি হেলমেট পৰিধান কৰিলে হেতেন. . .

‘হেলমেট নোহোৱাকৈ ৰাইডিং’ক লৈ সৃষ্টি হোৱা বিতৰ্কৰ পিচত এতিয়া অমিতাভ বচ্চনে আন এখন ফটো শ্বেয়াৰ কৰিছে। এই ফটোখন শ্বেয়াৰ কৰি তেওঁ কেপচনত লিখিছে তেওঁ গ্ৰেপ্তাৰ হৈছে । কিন্তু এই পোষ্টৰ আঁৰৰ ৰহস্য বেলেগ ৷ সবিশেষ জানিবলৈ পঢ়ক এই প্ৰতিবেদন ৷

চিটাৰা ডেস্ক, 19 মে’: বলিউডৰ মেগাষ্টাৰ অমিতাভ বচ্চনৰ অনুৰাগীৰ বাবে আহিছে এটা চাঞ্চল্যকৰ খবৰ । গ্ৰেপ্তাৰ হ’ল অমিতাভ বচ্চন ! বিগ বিয়ে ছ’চিয়েল মিডিয়াত নিজেই শ্বেয়াৰ কৰিছে এই খবৰ ৷ এইখিনিতে উল্লেখ কৰিব লাগিব যে বিগ বি ছ’চিয়েল মিডিয়াত অতি সক্ৰিয় ৷ প্ৰায়ে ছ’চিয়েল মিডিয়াৰ জৰিয়তে নিজৰ সকলো আপডেট অনুৰাগীৰ সৈতে শ্বেয়াৰ কৰে বিগ বিয়ে ৷

দৰাচলতে শুকুৰবাৰে পুৱা ছ’চিয়েল মিডিয়াত আৰক্ষীৰ বাহনৰ সৈতে নিজৰ এখন ফটো শ্বেয়াৰ কৰি কেপচনত লিখিছে – গ্ৰেপ্তাৰ (Amitabh bachchan cryptic arrest post) ৷ এই ফটোখন শ্বেয়াৰ কৰাৰ পিচতে ছ’চিয়েল মিডিয়াত ভাইৰেল হৈ পৰে ৷ এই পোষ্টটো দেখি ব্যৱহাৰকাৰীয়ে বহু জল্পনা-কল্পনা কৰিবলৈ আৰম্ভ কৰে । অৱশ্যে বিগ বিয়ে এয়া অনুৰাগীৰ সৈতে ধেমালি হে কৰিছে (Amitabh bachchan instagram) ৷

৮০ বছৰীয়া প্ৰবীণ অভিনেতা অমিতাভ বচ্চনে ইনষ্টাগ্ৰামত শ্বেয়াৰ কৰা এই ফটোখনত, মুম্বাই আৰক্ষীৰ বাহনৰ কাষত মৌন হৈ থিয় হৈ থকা দেখা গৈছে। এই পোষ্টটোত এজন অনুৰাগীয়ে এটা ধেমেলিয়া মন্তব্য কৰিছিল, 'Don ko pakadna Mushkil hee nahi… Naamumkin hai ।' আন এজনে লিখিছে, ‘ছাৰ আকৌ হেলমেট নোহোৱাকৈ ।’ আন এজন ব্যৱহাৰকাৰীয়ে মন্তব্য কৰে, ‘অৱশেষত ডনক মুম্বাই আৰক্ষীয়ে আটক কৰিলে ।’

ছ’চিয়েল মিডিয়াত ভাইৰেল বিগ বিৰ ফটো

উল্লেখ্য যে ইয়াৰ পূৰ্বে অমিতাভ বচ্চনে এখন ফটো শ্বেয়াৰ কৰিছিল য’ত তেওঁক বাইকত দেখা পোৱা গৈছিল । অভিনেতাগৰাকীয়ে ফটোখন শ্বেয়াৰ কৰি কয় যে মুম্বাইৰ যান-জঁটৰ পৰা হাত সাৰিবলৈ তেওঁ অচিনাকি ব্যক্তিৰ পৰা লিফ্ট ল’বলগীয়া হয় । কিন্তু পৰবৰ্তী সময়ত এই ফটোখনেই বিগ বিৰ বাবে সমস্যাৰ কাৰণ হৈ পৰে ।

কাৰণ এই পোষ্টটোত সামাজিক মাধ্যম ব্যৱহাৰকাৰীয়ে মন্তব্য কৰিবলৈ আৰম্ভ কৰিলে যে তেওঁ হেলমেট নোহোৱাকৈ বাইকত ভ্ৰমণ কৰিছে । ইয়াৰ পিচতে মুম্বাই যান-বাহন আৰক্ষীয়েও কাৰ্যত লিপ্ত হয় । সংবাদ মাধম্যৰ বাতৰি অনুসৰি বিগ বিয়ে জৰিমনা ভৰিবলগীয়া হৈছিল যদিও পৰৱৰ্তী সময়ত তেওঁ নিজৰ ব্লগত এই ছবিখনৰ আঁৰৰ এটা বেলেগ কাহিনী অনুৰাগীক জনায় (Amitabh bachchan latest news) ।

বিতৰ্ক সন্দৰ্ভত স্পষ্টীকৰণ দিয়ে বিগ বিয়ে

অভিনেতাগৰাকীয়ে কয় যে বাইকখন চলোৱা ব্যক্তিজন ক্ৰু মেম্বাৰ আছিল আৰু তেওঁ ক’লৈকো যোৱা নাছিল, বৰঞ্চ ধেমালি কৰি আছিল (Amitabh Bachchan bike ride controversy)। আচলতে সেইদিনা শ্বুটিং কৰি আছিল আৰু সময় ৰাহি কৰিবলৈ বাইক চলাইছে বুলি উল্লেখ কৰি ফটোখন শ্বেয়াৰ কৰিছিল ।

লগতে পঢ়ক:Amitabh Bachchan: কাৰ বেটিঙত মোহিত হ’ল বিগ বি ? শ্বেয়াৰ কৰিলে ভিডিঅ’