চিটাৰা, 3 মাৰ্চ: ২ মাৰ্চত বলীউডৰ ডিভা মালাইকা অৰোৰাই মাতৃ জয়ছ অৰোৰাৰ ৭০ সংখ্যক জন্মদিন উদযাপন কৰে (Malaikas mother birthday celebration) । মাতৃৰ এই বিশেষ দিনটোত মাতৃৰ বাবে বিশেষ আয়োজন কৰিছিল মালাইকাই ৷ মালাইকাই বন্ধু-বান্ধৱ আৰু ঘনিষ্ঠ লোকৰ সৈতে অতি ধুমধামেৰে মাকৰ জন্মদিন উদযাপন কৰে । জন্মদিন উদযাপনৰ এই বিশেষ ক্ষণত মালাইকাই প্ৰেমিক অৰ্জুন কাপুৰকো নিমন্ত্ৰণ কৰিছিল পাৰ্টিত (Arjun Kapoor joins Malaikas mother birthday celebration) ।
মালাইকাই মাতৃৰ জন্মদিন উদযাপনৰ ছবি ছ’চিয়েল মিডিয়াত শ্বেয়াৰ কৰিছে । ছ’চিয়েল মিডিয়াত শ্বেয়াৰ কৰা ফটোকেইখনত অৰ্জুন আৰু মালাইকাক একেলগে থিয় হৈ থকা দেখা পোৱা গৈছে । ইফালে বলীউডৰ বহু চেলিব্ৰিটিও উপস্থিত আছিল এই পাৰ্টিত ৷ য’ত দেখা পোৱা গৈছিল কৰীণা কাপুৰ খান আৰু স্বামী ছেইফ আলী খানক ।
শাহুৱেকৰ জন্মদিন উদযাপন কৰিলে জোঁৱাই অৰ্জুন কাপুৰে
ফটোকেইখনত দেখা গৈছে যে অৰোৰা ভগ্নীহঁতে অতি উৎসুকতাৰ মাতৃৰ জন্মদিন উদযাপন কৰিছে ৷ দুয়োগৰাকী ভগ্নীয়ে এটা সুন্দৰ পাৰ্টিৰ পৰিৱেশ সৃষ্টি কৰিছিল ৷ যদিও এই পাৰ্টিৰ মুখ্য আকৰ্ষণ হৈ পৰিছিল মালাইকা আৰু অৰ্জুন ৷ কাৰণ মালাইকা আৰু অৰ্জুন কাপুৰক এই পাৰ্টিত একেলগে দেখা পোৱা গৈছিল ৷ অৰ্জুন কাপুৰে নিজৰ হ’বলগীয়া শাহুৱেকৰ জন্মদিন উপভোগ কৰি থকা দেখা পোৱা গৈছে।