চিটাৰা ডেস্ক, 12 নৱেম্বৰ: বলীউডৰ জনপ্ৰিয় অভিনেত্ৰী তথা ভাৰতীয় ক্ৰিকেটাৰ বিৰাট কোহলীৰ পত্নী অনুষ্কা শৰ্মাই দ্বিতীয়বাৰৰ গৰ্ভধাৰণ কৰাৰ বাবে যোৱা কিছুদিনৰ পৰা বাতৰিৰ শিৰোনাম দখল কৰি আহিছে । অৱশ্যে দুয়োগৰাকীয়ে এই খবৰ এতিয়াও নিশ্চিত কৰা নাই । কিন্তু এতিয়া অভিনেত্ৰীগৰাকীৰ এটা ভিডিঅ’ ছ’চিয়েল মিডিয়াত দ্ৰুতগতিত ভাইৰেল হৈ পৰিছে । য’ত অভিনেত্ৰীগৰাকীক উৰ্ণাৰে নিজৰ বেবী বাম্প লুকুৱাবলৈ চেষ্টা কৰা দেখা গৈছে ।
দীপাৱলী পাৰ্টীত নিজৰ বেবী বাম্প লুকুৱাবলৈ চেষ্টা অনুষ্কাৰ
আচলতে দেওবাৰে নিশা অনুষ্কা শৰ্মাই স্বামী বিৰাট কোহলীৰ সৈতে ভাৰতীয় ক্ৰিকেট দলৰ দীপাৱলী পাৰ্টীত অংশ লৈছিল । য’ত অভিনেত্ৰীগৰাকীয়ে গোলাপী আৰু বেঙুনীয়া ৰঙৰ শ্বেড ছুট পৰিধান কৰি আহিছিল । ইয়াৰ এটা ভিডিঅ’ এতিয়া ছ’চিয়েল মিডিয়াত ভাইৰেল হৈ পৰিছে । য’ত অনুষ্কা আৰু বিৰাটক দীপাৱলী পাৰ্টীৰ বাবে হোটেলৰ ভিতৰলৈ গৈ থকা দেখা গৈছে । এই সময়চোৱাত অনুষ্কা শৰ্মাই উৰ্ণাৰে নিজৰ বেবী বাম্পটো লুকুৱাবলৈ চেষ্টা কৰা দেখা গৈছে । কিন্তু অনুৰাগীৰ চকুৰ পৰা সাৰি যাব নোৱাৰিলে অভিনেত্ৰীগৰাকী ।