চিটাৰা ডেস্ক, 31 মে’: বলীউড আৰু ক্ৰিকেটৰ সম্পৰ্ক শতিকা পুৰণি । শেহতীয়াকৈ ছ’চিয়েল মিডিয়াত এনে কিছুমান ছবি ভাইৰেল হৈ পৰিছে, যিসমূহ ছবি দেখিলে আপুনিও হয়তো ভাবিৱ যে যোৰাবোৰ সঁচাকৈয়ে আগৰ পৰাই নিৰ্ধাৰিত থাকে আৰু আপোনাৰ ভাগ্যত যি লিখা থাকিব সেয়াই হ’ব (Anushka Sharma and Sakshi viral pics) ৷
দৰাচলতে আই পি এল ১৬ ৰ অন্ত পৰাৰ পাচত মহেন্দ্ৰ সিং ধোনী আৰু বিৰাট কোহলীৰ দৰে দুগৰাকী প্ৰবীণ তাৰকা ক্ৰিকেটাৰৰ পত্নীৰ শৈশৱৰ ছবি ছ’চিয়েল মিডিয়াত ভাইৰেল হৈ পৰে ৷ ভাইৰেল হোৱা ছবিত দেখা পোৱা যায় যে দুয়োগৰাকী শৈশৱৰ বান্ধুৱী আছিল ৷ হয় অনুষ্কা শৰ্মা আৰু সাক্ষীয়ে একেখন স্কুলতে একেলগে পঢ়িছিল । অনুষ্কা আৰু সাক্ষীৰ শৈশৱ আৰু স্কুলীয়া দিনৰ ছবি ছ’চিয়েল মিডিয়াত ভাইৰেল হৈ পৰাত অনুৰাগীসকলে এই বিষয়ে আৰু অধিক জানিবলৈ আগ্ৰহী হৈ পৰে (Anushka Sharma and Sakshi)।
আচলতে অনুষ্কা শৰ্মাৰ পিতৃ এগৰাকী অৱসৰপ্ৰাপ্ত কৰ্ণেল আৰু অনুষ্কাই শৈশৱকাল অসমতে পাৰ কৰিছিল ৷ কাৰণ অনুষ্কাৰ পিতৃক অসমত নিয়োজিত কৰা হৈছিল । য’ত অনুষ্কা আৰু সাক্ষীয়ে একেখন স্কুলতে একেলগে শিক্ষাগ্ৰহণ কৰিছিল । সাক্ষীয়ে প্ৰথমে স্কুলত পঢ়া-শুনা কৰিছিল আৰু ইয়াৰ পিচত অনুষ্কাই নামভৰ্তি কৰিছিল স্কুলখনত । স্কুলীয়া শিক্ষা সমাপ্ত কৰাৰ পিচত অনুষ্কাই মডেলিঙৰ জগতখনত প্ৰৱেশ কৰে আৰু তাৰ পিচত বলীউডত প্ৰৱেশ কৰে ।