37 তম বিবাহ বাৰ্ষিকীত পুৰণিক ৰোমন্থন কৰিলে অভিনেতা অনুপম খেৰে

২৬ আগষ্টত অনুপম খেৰ আৰু কিৰণ খেৰৰ বিবাহে গৰকিলে 37 টা বছৰ ৷ এই বিশেষ দিনটোত অভিনেতা অনুপম খেৰ নষ্টালজিক হৈ পৰিছে ৷ বিয়াৰ মণ্ডপৰ পৰা কিৰণৰ সৈতে এখন পুৰণা ফটো অনুৰাগীৰে সৈতে শ্বেয়াৰ কৰে তেওঁ (Anupam Kher Kirron Kher marriage) ৷

চিটাৰা ডেস্ক, 26 আগষ্ট : হিন্দী চিনেমাৰ দুগৰাকী প্ৰবীণ শিল্পী অনুপম খেৰ আৰু কিৰণ খেৰৰ আজি 37 তম বিবাহ বাৰ্ষিকী ৷ জীৱনৰ এই বিশেষ দিনটোত পুৰণিক স্মৰণ কৰি আৱেগিক হৈ পৰিছে অনুপম খেৰ ৷ কিৰণৰ সৈতে তেওঁৰ বিয়াৰ ফটো এখন বিবাহ বাৰ্ষিকীৰ শুভেচ্ছা জনাইছে সহধৰ্মিণীক ৷

এটা সুন্দৰ কেপছনৰ সৈতে বিয়াৰ দিনৰ ফটোখন শ্বেয়াৰ কৰিছে অনুপম খেৰে (Anupam kher instagram) ৷ ফটোখনক দুয়োকে বৰমালা পিন্ধি থকা দেখা গৈছে ৷ শুভেচ্ছা বাৰ্তাৰ লগতে কিৰণৰ দীৰ্ঘায়ু আৰু সুস্বাস্থ্য কামনা কৰিছে অভিনেতাজনে ৷ অনুপমে পোষ্টোটো আপলোড কৰাৰ পিছত অনুৰাগীসকলে দুয়োকে অভিনন্দন জনাইছে ৷ অনুৰাগীৰ লগতে বলীউড তাৰকাসকলেও জনাইছে শুভকামনা ৷

উল্লেখ্য যে, অনুপম খেৰ আৰু কিৰণ খেৰৰ বিবাহ হৈছিল 1985 চনত (Anupam Kher and Kirron Kher wedding) । অনুপম আৰু কিৰণ দুয়োৰে প্ৰথম বিবাহ সফল হোৱা নাছিল ৷ অনুপমৰ প্ৰথম পত্নীৰ নাম আছিল মধুমতী কাপুৰ, যাৰ সৈতে 1979 চনত অনুপম বিবাহপাশত আবদ্ধ হয় ; কিন্তু একে বছৰতে তেওঁলোকৰ বিবাহ বিচ্ছেদ হয় । আনহাতে কিৰণ খেৰৰ প্ৰথম স্বামী আছিল অভিনেতা গৌতম বেৰী । কিৰণ আৰু গৌতমৰ সম্পৰ্ক 6 বছৰ (1979-85) দিন ধৰি চলিছিল ।