চিটাৰা ডেস্ক, 9ছেপ্টেম্বৰ :অনুপম খেৰ আৰু নীনা গুপ্তা অভিনীত শিৱ শাস্ত্ৰী বলবোৱাৰ ফাৰ্ষ্ট লুক মুকলি কৰা হয় ৷ Shiva Shastri Balboa চিনেমাখন পৰিচালনা কৰিছে অজয়ন বেনুগোপালন আৰু প্ৰযোজনা কৰিছে কিশোৰ ৱৰিয়াতে । ফাৰ্ষ্ট লুকত দেখিবলৈ পোৱা গৈছে কেইবাটাও বেগৰে সৈতে ৰাস্তাৰ দাঁতিত অনুপম খেৰ আৰু নীনা গুপ্তাই গাড়ীৰ বাবে অপেক্ষা কৰি আছে । অনুপমৰ মুখখনত টেনচন স্পষ্টকৈ পৰিলক্ষিত হোৱাৰ বিপৰীতে নীনা গুপ্তাক অবিচলিত যেন লাগিছে (Anupam Kher new movie) ।
অনুপম খেৰ আৰু নীনা গুপ্তাই নিজ নিজ ইনষ্টাগ্ৰাম হেণ্ডেলত ছবিখনৰ ফাৰ্ষ্ট লুক শ্বেয়াৰ কৰিছে (Anupam Kher instagram) ৷ পোষ্টাৰখনত আমেৰিকাৰ এটা গ্ৰাম্য অঞ্চলৰ এখন চৰণীয়া পথাৰ দেখুওৱা হৈছে য’ত ছাগলী চৰি আছে । এই চৰণীয়া পথাৰখনৰ মাজেৰে এটা পথ আগবাঢ়ি গৈছে আৰু পথৰ কাষতে বাহনৰ বাবে অপেক্ষা কৰি আছে অনুপম আৰু নীনা গুপ্তাই । দুয়োৰে কাষতে ৰাস্তাত বহি আছে এটা কুকুৰ ৷