চিটাৰা ডেস্ক, 7 মাৰ্চ: বলীউডৰ মেগাষ্টাৰ অমিতাভ বচ্চনে নিজৰ অফিচিয়েল টুইটাৰ একাউণ্টত অনুৰাগী আৰু শুভাকাংক্ষীসকলক হোলীৰ শুভেচ্ছা জ্ঞাপন কৰিছে । নিয়মীয়াকৈ ব্লগ লিখা প্ৰবীণ অভিনেতাগৰাকীয়ে শেহতীয়াকৈ হায়দৰাবাদত নিজৰ আগন্তুক ছবি প্ৰজেক্ট কেৰ শ্বুটিং কৰি আছিল (Project k Shooting) ৷ কিন্তু দুৰ্ভাগ্যবশতঃ একচনৰ দৃশ্যগ্ৰহণ কৰি থকাৰ সময়তে আঘাতপ্ৰাপ্ত হয় অভিনেতাগৰাকী ৷
অভিনেতাগৰাকী আহত হোৱাৰ পিচতে অনুৰাগীসকলক নিজৰ স্বাস্থ্যৰ অৱস্থাৰ বিষয়ে অৱগত কৰে । মেগাষ্টাৰগৰাকীয়ে অনুৰাগীসকলক তেওঁক অহৰহ মৰম আৰু সমৰ্থন কৰাৰ বাবে আৰু তেওঁলোকৰ প্ৰাৰ্থনাত তেওঁক স্মৰণ কৰাৰ বাবে অপৰিসীম কৃতজ্ঞতা প্ৰকাশ কৰে (Amitabh Bachchan shares health update)।
শেহতীয়া ব্লগত অভিনেতাগৰাকী লিখিছে, "প্ৰথমতে ... মই আহত হোৱাৰ সময়ত যিসকলে উদ্বেগ প্ৰকাশ কৰিছিল, মই আপোনালোকৰ প্ৰাৰ্থনাৰ বাবে চিৰ কৃতজ্ঞতা আৰু মৰম প্ৰকাশ কৰো ৷ সঁচাকৈয়ে মোৰ অনুৰাগীসকলে মোৰ শলাগ লৈছিল আৰু মোৰ বাবে তেওঁলোকৰ মৰম প্ৰকাশ পাইছিল ৷ " অভিনেতাগৰাকীয়ে ব্লগৰ জৰিয়তে লগতে জনাইছিল যে তেওঁ লাহে লাহে সুস্থ হ’ব ধৰিছে ৷ কিন্তু সম্পূৰ্ণভাৱে সুস্থ হ’বলৈ সময় লাগিব (Amitabh Bachchan health update)।