চিটাৰা ডেস্ক, 5 অক্টোবৰ: ই-কমাৰ্চ কোম্পানী এটাৰ বিজ্ঞাপন কৰি বিপদত পৰিছে মেগাষ্টাৰ অমিতাভ বচ্চন । এনে ক্ষেত্ৰত অমিতাভ বচ্চনে ১০ লাখ টকা পৰ্যন্ত জৰিমনা ভৰিব লাগিব পাৰে । এই বিজ্ঞাপনত মানুহক বিপথে পৰিচালিত কৰাৰ অভিযোগত কনফেডাৰেচন অৱ অল ইণ্ডিয়া ট্ৰেডাৰ্ছে প্ৰবীণ তাৰকাগৰাকীৰ বিৰুদ্ধে এজাহাৰ দাখিল কৰিছে । এই বিতৰ্কৰ মাজতে অমিতাভ বচ্চনে ছ’চিয়েল মিডিয়াত এটা ক্ৰিপটিক পোষ্ট শ্বেয়াৰ কৰিছে। এই পোষ্টটোৰ লগতে বিগ বিয়েও শ্বেয়াৰ কৰিছে নিজৰ এখন ব্যতিক্ৰমী ফটো । উল্লেখ্য যে, বিগ বি এইকেইদিন ব্যস্ত হৈ আছে তেওঁৰ আগন্তুক ছবিসমূহক লৈ ৷ কেৱল ছবিসমূহক লৈয়ে নহয়, তেওঁৰ জনপ্ৰিয় কুইজ শ্ব’ কৌন বনেগা ক্ৰ’ৰপতিৰ ১৫ সংখ্যক ছিজনক লৈও ব্যস্ত হৈ আছে বিগ বি ৷
বিগ বিৰ শেহতীয়া পোষ্টত তেওঁ লিখিছে, ‘‘মই আকৌ দেৰি কৰিছো, কিন্তু কৰ্মস্থলীত আছিলো, বিৰতিৰ পিচত সোনকালে লগ পাম, তেতিয়ালৈকে মোৰ মৰম আৰু কৃতজ্ঞতা, যেতিয়ালৈকে আপুনি উভতি নধৰে, তেতিয়ালৈকে আপোনাৰ কোনেও নুশুনে.. মাত্ৰ এটা বহল ধাৰণা ৷ এই বিষয়ে অধিক কিছু সময় পাচত ।’’