চিটাৰা ডেস্ক, 5 ছেপ্টেম্বৰ: হিন্দী ছবিজগতৰ মেগাষ্টাৰ অমিতাভ বচ্চনক প্ৰদান বিচিচিআইৰ গোল্ডেন টিকট । এই কথা প্ৰকাশ কৰিছে বি চি চি আইৰ সম্পাদক জয় শ্বাহে । মঙলবাৰে বিচিচিআইয়ে শ্বেয়াৰ কৰা এটা পোষ্টত ক্ৰিকেটৰ প্ৰতি বিগ বিৰ মৰম আৰু সমৰ্থনৰ শলাগ লোৱা হৈছে ।
বিচিচিআইয়ে মঙলবাৰে নিজৰ অফিচিয়েল এক্স (টুইটাৰ)ত জয় শ্বাহ আৰু অমিতাভ বচ্চনৰ এখন ছবি আপলোড কৰিছে। ছবিখনত বি চি চি আইৰ সম্পাদকগৰাকীয়ে বলীউডৰ ছুপাৰষ্টাৰগৰাকীক গোল্ডেন টিকট দিয়া দেখা গৈছে।
ছবিখন শ্বেয়াৰ কৰি বিচিচিআইয়ে লিখিছে, ‘আমাৰ গোল্ডেন আইকনৰ বাবে গোল্ডেন টিকট । বি চি চি আইৰ সম্পাদক জয় শ্বাহে গোল্ডেন টিকট "মিলেনিয়াম ছুপাৰষ্টাৰ" অমিতাভ বচ্চনক উপহাৰ দিয়াৰ সৌভাগ্য লাভ কৰিছে । এজন মহান অভিনেতা আৰু এজন নিষ্ঠাবান ক্ৰিকেট প্ৰেমী অমিতাভ বচ্চনৰ টিম ইণ্ডিয়াৰ প্ৰতি অদম্য সমৰ্থনে আমাক সকলোকে অনুপ্ৰাণিত কৰি আহিছে। আই চি চি ক্ৰিকেট বিশ্বকাপ ২০২৩ৰ বাবে তেওঁৰ সৈতে জড়িত হৈ আমি অতি আনন্দিত হৈছো ।