চিটাৰা ডেস্ক, 29 মাৰ্চ: শেহতীয়াকৈ অভিনেত্ৰী প্ৰিয়ংকা চোপ্ৰাই বলীউডৰ বিষয়ে দিয়া এটা মন্তব্যৰ পিচতে তোলপাৰ লাগিছে বলীউড জগতত ৷ আমেৰিকাত অভিনেত্ৰী প্ৰিয়ংকা চোপ্ৰাই প’ডকাষ্টত দিয়া এটা সাক্ষাৎকাৰত অভিনেত্ৰীগৰাকীয়ে বলীউডৰ পৰা হলীউডলৈ যোৱাৰ কাৰণ ব্যক্ত কৰে ৷ বলীউডৰ লেতেৰা ৰাজনীতিৰ বাবেই প্ৰিয়ংকা চোপ্ৰাই বলীউড এৰি হলীউডলৈ যোৱা বুলি কৈছিল ৷ প্ৰিয়ংকাৰ এই মন্তব্যক বলীউডৰ অভিনেত্ৰী কংগনা ৰানাৱট, সংগীত সুৰকাৰ এ আৰ ৰহমানকে ধৰি বহু চেলিব্ৰিটিয়ে সমৰ্থন কৰিছে ৷
এইবাৰ প্ৰিয়ংকা চোপ্ৰাৰ এই মন্তব্যক সঁহাৰি জনাইছে সংগীত পৰিচালক অমল মালিকেও (Amaal malik supports Priyanka chopra) ৷ সংগীত পৰিচালক অমল মালিকেও তেওঁৰ কেৰিয়াৰ সন্দৰ্ভত আপত্তি কৰিছে । সংগীত পৰিচালকগৰাকীয়ে টুইটাৰত টুইট কৰি বলীউডত কিয় নাপায় কাম তাৰ কাৰণ দাঙি ধৰে (Amaal Malik in Bollywood) ।
অমল মালিকে নিজৰ অফিচিয়েল টুইটাৰ হেণ্ডেলত নিজৰ বলীউডত ‘কেম্পিজম এণ্ড পাৱাৰপ্লে’ৰ কাহিনী শ্বেয়াৰ কৰিছে (Amaal malik Priyanka chopra) । অমল মালিকে টুইট কৰিছে, ‘বাৰু এইটো এনেকুৱা এটা কথা যিটো মই প্ৰতিদিনে সন্মুখীন হওঁ । যেতিয়া অনুৰাগীয়ে মোক প্ৰশ্ন কৰে যে মই কিয় বলীউডৰত অধিক ছবি নকৰোঁ ? এতিয়া গম পোৱা গৈছে । বলীউডৰ কেম্পিজম, বুটলিকিং আৰু পাৱাৰপ্লেৰ সত্যতা সঘনাই উলিয়াই অনাটো প্ৰয়োজন । চাওকচোন এই শক্তিশালী মহিলাগৰাকীক তেওঁলোকে কি কৰিবলৈ চেষ্টা কৰিছিল ।"