চিটাৰা ডেস্ক, 14 এপ্ৰিল :বলীউড তাৰকা সকলৰ বাবে ফেশ্বনৰ মঞ্চ হৈ পৰে যিকোনো এটা অনুষ্ঠান ৷ এনে ধৰণৰ অনুষ্ঠানতেই নিজৰ ফেশ্বন ষ্টেটমেণ্টৰে বহু তাৰকাই ট্ৰেণ্ডো আনে ৷ বলীউডৰ অতিকে জনপ্ৰিয় যুটি ৰণবীৰ আৰু আলিয়াৰ বিয়াখনৰ লগতে সকলো অধীৰ আগ্ৰহেৰে ৰৈ আছে দুয়োৰে দৰা-কইনা সাজৰ লুকটোৰ বাবে (Ranbir Alia Wedding) ৷ ঘনিষ্ঠ বন্ধু আৰু পৰিয়ালবৰ্গৰ উপস্থিতিত হ’বলগীয়া এই বিয়াখনত কোনে কাৰ ডিজাইনাৰ সাজ পৰিধান কৰিব সেইয়াও লক্ষণীয় বিষয় (Stars attending Ranbir Alia marriage) ৷
বুধবাৰে সম্পন্ন হৈ গ’ল ৰণবীৰ আলিয়াৰ মেহেন্দী অনুষ্ঠান (Ranbir Alia Mehendi ceremony) ৷ মেহেন্দীত কৰীণা, কৰিশ্মা, নীতু কাপুৰ, আলিয়াৰ মাতৃ, ভগ্নী সকলোৱে দৃষ্টি আকৰ্ষণ কৰিলে পাপাৰাজীৰ ৷ কৰীণা কাপুৰ খানে প্ৰৱেশ কৰাৰ লগে লগে চকু চাট মাৰি ধৰিলে সকলোৰে ৷ ডিজাইনাৰ মনীষ মলহোত্ৰাৰ লেহেংগাত কৰীণাই কৰিলে সকলোকে অবাক (Kareena look fron Ranir Alia mehendi) ৷
বেবোৱে পৰিধান কৰিছিল জিলিকি থকা এযোৰ লেহেংগা য’ত তলৰ ফালে পেষ্টেল পিংক আৰু ইষৎ নীলা ৰঙ আছে ৷ লেহেংগাৰে সৈতে মিলাই অভিনেত্ৰী গৰাকীয়ে কাণফুলি, নেকলেছ আৰু খাৰু পৰিধান কৰিছিল ৷ গাৰ ছালৰ ৰঙৰ সৈতে মিলাই কৰীণাই তেনেই সাধাৰণ মেকআপৰ সৈতে কৰীণাই মাজত সেওঁতা ফালি কৰা হেয়াৰষ্টাইল সকলোৱে পছন্দ কৰিছে ৷
সৰহ সংখ্যক ছোৱালীৰ দৰে কৰিশ্মা কাপুৰেও ভাল পাই মেহেন্দী ৷ ৰণবীৰ আলিয়াৰ মেহেন্দীত ভৰিত মেহেন্দী আঁকি নিজৰ ইনষ্টাগ্ৰামত শ্বেয়াৰ কৰে কৰিশ্মাই ৷ কৰিশ্মাই পৰিধান কৰিছিল কমলা ৰঙৰ এযোৰ চেলৱাৰ চুট ৷