চিটাৰা ডেস্ক, 17 অক্টোবৰ: অভিনেত্ৰী আলিয়া ভাটৰ বাবে আজি এক অতি বিশেষ দিন । দৰাচলতে আলিয়াক আজি ৰাষ্ট্ৰীয় বঁটাৰে সন্মানিত কৰিব দেশৰ ৰাষ্ট্ৰপতি মুৰ্মুৱে । গংগুবাই কাঠিয়াৱাড়ী ছবিৰ বাবে শ্ৰেষ্ঠ অভিনেত্ৰীৰ ৰাষ্ট্ৰীয় বঁটা লাভ কৰিছে আলিয়া ভাটে । আজি দিল্লীৰ বিজ্ঞান ভৱনত অনুষ্ঠিত হোৱা ৬৯ সংখ্যক ৰাষ্ট্ৰীয় চলচ্চিত্ৰ বঁটা বিতৰণী অনুষ্ঠানত অংশগ্ৰহণ কৰিবলৈ উপস্থিত হৈছে আলিয়া ভাট । এই সময়ছোৱাত অভিনেত্ৰীগৰাকীয়ে পৰিধান কৰা সাজযোৰে সকলোৰে দৃষ্টি আকৰ্ষণ কৰিছে ৷ এই বিশেষ অনুষ্ঠানৰ বাবে আলিয়াই বাছি লৈছে বিশেষ সাজ-পোছাক । হয়, বিয়াৰ সাজ পৰিধান কৰি ৰাষ্ট্ৰীয় বঁটা গ্ৰহণ কৰিবলৈ আহিছে আলিয়াই ।
আলিয়াৰ লুকৰ কথা ক’বলৈ গ’লে আলিয়াই পৰিধান কৰিছে অফ হোৱাইট ৰঙৰ শাৰী । এই সাজ এই কাৰণেই আলিয়াৰ বাবে বিশেষ, কিয়নো আলিয়াই বিয়াত পৰিধান কৰিছিল এই শাৰীখন ৷ এই শাৰীখন ডিজাইন কৰিছিল সব্যাসাচীয়ে । আলিয়াই এই লুকটো সম্পূৰ্ণ কৰিছে চকাৰ নেকেলেচ আৰু ষ্টড ইয়াৰৰিঙৰ সৈতে । লগতে ৰঙা বিন্দীৰে নিজৰ লুকটো আৰু অধিক পৰিপূৰক কৰিছিল আলিয়াই । কেৱল ইমানেই নহয়, চুলিত বগা গোলাপ ফুলো লগাইছে অভিনেত্ৰীগৰাকীয়ে ৷ এই লুকটোত আলিয়াক অতি সুন্দৰ দেখা গৈছে ৷
উল্লেখ্য যে, স্বামী ৰণবীৰ কাপুৰৰ সৈতে এই অনুষ্ঠানত উপস্থিত হৈছে আলিয়া । এই ইভেণ্টত দেখা গ’ল ৰণবীৰ কাপুৰক ক’লা ৰঙৰ সাজ-পোছাকত ।